ଗତକାଲି ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ଶେଷ ହୋଇସାରିଛି । ଏହି ପର୍ଯ୍ୟାୟରେ ଭୋଟର ମେନକା ଗାନ୍ଧୀ, ଅଖଳେଶ ଯାଦବ, ଦିଗବିଜୟ ସିଂ,ସ୍ୱାଧୀ ପ୍ରଜ୍ଞା ଠାକୁରଙ୍କ ସମେତ ୯୭୯ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ପାର୍ଥୀ ମାନଙ୍କ ମଧ୍ୟରୁ ୩୩୫ଜଣଙ୍କ ନାମରେ ଅପରାଧିକ ମାମଲା ରହିଥିବାବେଳେ ୩୧୧ ଜ କୋଟିପତି ଅଛନ୍ତି । ସବୁଠାରୁ ଧନୀ ପାର୍ଥୀ ହେଉଛନ୍ତି ଜ୍ୟୋତିରାଦିତ୍ୟ ସିନ୍ଧିଆ । ତାଙ୍କ ସମ୍ପତ୍ତି ପରିମାଣ ୩ ଶହ ୭୪ କୋଟିରୁ ଅଧିକ ରହିଛି। ସେହିପରି ଏହି ପର୍ଯ୍ୟାୟରେ ନିର୍ବାଚନ ଲଢୁଥିବା କ୍ରିକେଟର ଗୌତମ ଗମ୍ଭୀରଙ୍କ ସମ୍ପତ୍ତି ପରିମାଣ ଶହେ ୪୭ କୋଟି ବୋଲି ଜଣାପଡ଼ିଛି । ଷଷ୍ଠ ପର୍ଯ୍ୟାୟରେ ନିର୍ବାଚନ ଲଢୁଥିବା ପ୍ରାର୍ଥୀଙ୍କ ହାରାହାରି ସମ୍ପତ୍ତି ପରିମାଣ ୩.୪୧ କୋଟି ରହିଛି । ଆସନ୍ତାକାଲି ୭ ରାଜ୍ୟର ୫୯ ଲୋକ ସଭା ଆସନ ପାଇଁ ମତଦାନ କରାଯିବ । ସେଗୁଡିକହେଲା-
ଉତ୍ତରପ୍ରଦେଶ-୧୪,
ହରିଆଣା- ୧୦,
ବିହାର-୮
ମଧ୍ୟପ୍ରଦେଶ- ୮
ପଶ୍ଚିମବଙ୍ଗ- ୮
ଦିଲ୍ଲୀ-୭
ଝାଡ଼ଖଣ୍ଡ- ୪