Bhagyaprabha News Bureau
ଟ୍ୟୁନିସିୟାରେ ଶରଣାର୍ଥୀଙ୍କୁ ନେଇ ଯାଉଥିବା ଏକ ଡଙ୍ଗା ଭୂମଧ୍ୟ ସାଗରରେ ଓଲଟି ପଡିବାରୁ ପ୍ରାୟ ୬୫ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଜାତିସଙ୍ଘ ଶରଣାର୍ଥୀ ଏଜେନ୍ସିର ସୂଚନା ମୁତାବକ ଏଥିରେ ମାତ୍ର ୧୬ ଜଣଙ୍କୁ ଜୀବିତ ଉଦ୍ଧାର କରାଯାଇଛି। ସମୁଦ୍ରରେ ଆସୁଥିବା ଉଚ୍ଚ ଜୁଆର ଯୋଗୁ ଏହି ଦୁର୍ଘଟଣା ଘଟିଥିବା କୁହାଯାଉଛି। ସୂଚନାଯୋଗ୍ୟ, ଗତ ୪ ମାସ ଭିତରେ ଲିବିୟାରୁ ସମୁଦ୍ରପଥ ଦେଇ ୟୁରୋପ ଯାଉଥିବା ଶରଣାର୍ଥୀଙ୍କ ମଧ୍ୟରେ ଏପର୍ଯ୍ୟନ୍ତ ୧୬୪ରୁ ଊର୍ଦ୍ଧ୍ୱଙ୍କ ମୃତ୍ୟୁ ହୋଇ ସାରିଲାଣି।
