ଦିଲ୍ଲୀ ପୋଲିସ ସ୍ପେଶାଲ ସେଲ୍କୁ ଏକ ବଡ଼ ସଫଳତା ମିଳିଛି । ସ୍ପେଶାଲ ସେଲ୍ ଜୈଶ୍-ଏ-ମହମ୍ମଦ ଆତଙ୍କୀ ସଙ୍ଗଠନର ସଦସ୍ୟ ଅବଦୁଲ ମଜିଦ ବାବାକୁ ଗିରଫ କରିଛି । ତା ନାଁରେ ଆଗରୁ ୨ ଲକ୍ଷ ଟଙ୍କାର ପୁରସ୍କାର ରଖାଯାଇଥିଲା ।ସ୍ପେଶାଲ ସେଲ୍ ଦୀର୍ଘ ଦିନ ହେବ ଜେଏମର ଆତଙ୍କବାଦୀ ମଜିଦ ବାବାକୁ ଖୋଜୁଥିଲା । ତା ମୁଣ୍ଡ ବାବଦକୁ ୨ ଲକ୍ଷ ଟଙ୍କା ମଧ୍ୟ ଘୋଷଣା କରାଯାଇଥିଲା । ଗତ ଶନିବାରରେ ତାକୁ ଧରିବାରେ ସଫଳ ହୋଇଛି । ଜାମ୍ମୁ ଓ କାଶ୍ମୀରର ଶ୍ରୀନଗର ପିଏସ୍ ଶ୍ୟୈରା ଅଂଚଳରୁ ତାକୁ ଗିରଫ କରାଯାଇଛି । ବାବାର ଘର ସୋପୋର ଜିଲ୍ଲାରେ ବୋଲି ଜଣାପଡ଼ିଛି । ମଜିଦକୁ ପ୍ରଥମେ ଶ୍ରୀନଗର ସିଜେଏମ୍ କୋର୍ଟରେ ହାଜର କରାଯିବ । ଏହା ପରେ ଦିଲ୍ଲୀ ପୋଲିସ ତାକୁ ଟ୍ରାଞ୍ଜିଟ୍ ରିମାଣ୍ଡରେ ଆଣିବ ବୋଲି ସୂଚନା ମିଳିଛି ।