୫୨ ବର୍ଷରେ ପାଦ ଦେଲେ ଧକ ଧକ ଗର୍ଲ । ମୁମ୍ବାଇର ଏକ ବ୍ରାହ୍ମଣ ପରିବାରରେ ୧୯୬୭ ଆଜିର ଦିନରେ ଜନ୍ମ ଗ୍ରହଣ କରିଥିବା ମାଧୁରୀ ୮୦ ଏବଂ ୯୦ ଦଶକରେ ବଲିଉଡର ଟପ୍ ଅଭିନେତ୍ରୀଙ୍କ ମଧ୍ୟରୁ ଥିଲେ ଜଣେ । ୧୯୮୬ ରେ ଫିଲ୍ମ ଅବୋଧ ଏବଂ ସ୍ବାତୀରୁ ନିଜ ଅଭିନୟ କ୍ୟାରିୟର୍ ଆରମ୍ଭ କରିଥିବା ମାଧୁରୀ ଖାଲିଟାରେ ହୋଇନାହାଁନ୍ତି ଧକ୍ ଧକ୍ ଗର୍ଲ ।୧୯୯୯ ମସିହାରେ ଡା. ଶ୍ରୀରାମ ନେନେଙ୍କ ସହ ବିବାହ ବନ୍ଧନରେ ବାନ୍ଧି ହୋଇଥିଲେ ଓ ତାଙ୍କର ଦୁଇ ସନ୍ତାନ ହେଲେ ରିୟାନ ଓ ଏରିନ ନେନେ । ମାଧୁରୀଙ୍କର ମତୁଆଲା ଅନ୍ଦାଜ ଏବଂ ନିଖୁଣ ଅଭିନୟ ଲକ୍ଷ ଲକ୍ଷ ଲୋକଙ୍କୁ କରିଛି ନିଜର ଦିୱାନା ।
ନିଜ କ୍ୟାରିୟର୍ ମଧ୍ୟରେ "ହମ ଆପକେ ହେ କନ", "ଦିଲ୍", "ରାମ ଲଖନ" , "ବେଟା" , "ସାଜନ", "ଖଲନାୟକ" , "ତେଜାବ", "କୋଏଲା" ପରି ଅନେକ ହିଟ୍ ଫିଲ୍ମ ଦେଇଛନ୍ତି ମାଧୁରୀ । ଫିଲ୍ମି କ୍ୟାରିୟରରୁ ୭ ବର୍ବଷର ବ୍ୟବଧାନ ପରେ ଫିଲ୍ମ "ଦେଢ ଇସ୍କିୟାଁ " ମାଧ୍ପୁୟମରେ ପୁଣି ବଲିଉଡକୁ ଫେରି ଆସିଥିଲେ ମାଧୁରୀ । ମାଧୁରୀ ବେଷ୍ଟ ଆକ୍ଟ୍ରେସ ଭାବରେ ୬ଥର ଫିଲ୍ମ ଫେୟାର ଆୱାର୍ଡ ଜିତିଛନ୍ତି ।୨୦୦୮ରେ ଭାରତ ସରକାରଙ୍କ ଦ୍ୱାରା ପଦ୍ମଶ୍ରୀ ସମ୍ମାନରେ ସମ୍ମାନୀତ ହୋଇଥିଲେ ଏହି ପ୍ରଖ୍ୟାତ ଅଭିନେତ୍ରାୀ । ସୁଚନାଯୋଗ୍ୟ , ୨୫ ବର୍ଷ ପରେ ମାଧୁରୀ ଫିଲ୍ମ କଳଙ୍କ ମାଧ୍ୟମରେ ପୁଣି ଥରେ ସଞ୍ଜୟ ଦତ୍ତଙ୍କ ଯୋଡି ବଡ ପରଦାରେ ଦେଖିବାକୁ ମିଳିଛି ।