ଗଜପତି ଜିଲ୍ଲା ଆର. ଉଦୟଗିରି ଠାରେ ୨୦୦୫ ମସିହାରେ ଟେଲିଫୋନ ଏକ୍ସଚେଞ୍ଜ ବ୍ଲାଷ୍ଟ ଘଟଣାରେ ମାଓ ନେତା ସବ୍ୟସଚୀ ପଣ୍ଡା ସମ୍ପୃକ୍ତି ଥିବା ନେଇ ମାମଲା ରୁଜୁ ହୋଇଥିଲା । ଦୀର୍ଘ ବର୍ଷ ପରେ ଉକ୍ତ ମାମଲାର କୋର୍ଟ ଶୁଣାଣୀ ହୋଇଛି । ଗଜପତି ଜିଲ୍ଲା କୋର୍ଟରେ ଚାଲିଥିବା ଏହି ମାମଲାର ବିଚାର କରି ଜିଲ୍ଲା ଦୌରାଜଜ ବିଶ୍ବଜିତ ଦାସ ରାୟ ଶୁଣାଇ ସବ୍ୟସଚୀ ପଣ୍ଡାଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ସୂଚନା ମୁତାବକ ଜିଆର କେସ ନଂ ୭୧/୨୦୦୬ ଓ ଉଦୟଗିରି ଥାନା କେସ ନ˚୨୧/୦୬ରେ ମାମଲା ରୁଜୁ ହୋଇଥିବା ବେଳେ ନିର୍ଦ୍ଧିଷ୍ଟ ସାକ୍ଷ୍ୟ ପ୍ରମାଣ ଅଭାବରୁ କୋର୍ଟ ନିର୍ଦ୍ଦୋଷରେ ଖଲାସ କରିଥିବା ସବ୍ୟସାଚୀଙ୍କ ଓକିଲ ସ୍ବରୂପ ପାଳ ସୂଚନା ଦେଇଛନ୍ତି ।