Bhagyaprabha News Bureau
ସୋମବାର ଦିନ ସ୍ଥାନୀୟ ସରସ୍ବତୀ ନଗର ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ପ୍ରାଥମିକ ଆଚାର୍ଯ୍ୟ ପ୍ରଶିକ୍ଷଣ ଶିବିର କାର୍ଯ୍ୟକ୍ରମ ଉଦଘାଟିତ ହୋଇଯାଇଛି । ଶିକ୍ଷାବିକାଶ ସମିତି ସଭାପତି ବିନାୟକ ଦାଶ ଉକ୍ତ ଶିବିର କାର୍ଯ୍ୟକ୍ରମକୁ ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିବା ସହ ମୁଖ୍ୟ ବକ୍ତା ଭାବେ ଯୋଗଦେଇ ରାଷ୍ଟ୍ର ଗଠନରେ ଆଚାର୍ଯ୍ୟ ଆଚାର୍ଯ୍ଯାଙ୍କ ଭୂମିକା ବିଷୟରେ ଆଲୋକପାତ କରିଥିଲେ । ଏଥିସହ ବର୍ଗ ପ୍ରମୁଖ ତଥା ଦକ୍ଷିଣ ପୂର୍ବ ସଂଭାଗ ସଂଯୋଜକ ପ୍ରକାଶ ଚନ୍ଦ୍ର ତ୍ରିପାଠୀ ଏବଂ ଗଞ୍ଜାମ ବିଭାଗ ନିରୀକ୍ଷକ ସରୋଜ କୁମାର ପଟ୍ଟନାୟକ ପ୍ରମୁଖ ଯୋଗଦେଇ ଆଚାର୍ଯ୍ୟ ଆଚାର୍ଯ୍ଯା ମାନଙ୍କୁ ମାର୍ଗଦର୍ଶନ କରାଇଥିଲେ । ଏହି ପ୍ରଶିକ୍ଷଣ ଶିବିର ଦଶ ଦିନ ଧରି ବିଦ୍ୟାଳୟ ପରିସରରେ ଚାଲୁରହିବ ବୋଲି ଜଣାପଡିଥିବା ବେଳେ ଏଥିରେ ଗଞ୍ଜାମ , ଗଜପତି ଓ ଫୁଲବାଣୀ ଆଦି ଜିଲ୍ଲାର ୫୩ ଟି ବିଦ୍ୟାଳୟର ପ୍ରାୟ ୧୪୮ ଜଣ ପ୍ରଶିକ୍ଷାର୍ଥୀ ଶିବିରରେ ଅଂଶଗ୍ରହଣ କରି ଶିକ୍ଷାଦାନ ପଦ୍ଧତି , ଆଚାର୍ଯ୍ୟ ଆଚାର୍ଯ୍ଯାଙ୍କ କର୍ତ୍ତବ୍ୟ , ସଂସ୍କୃତି ତଥା ରାଷ୍ଟ୍ର ନିର୍ମାଣ ଆଦି ବିଷୟରେ ଶିକ୍ଷା ଗ୍ରହଣ କରି ସମାଜକୁ କିପରି ଭାବେ ସଠିକ ମାର୍ଗଦର୍ଶନ କରିପାରିବେ ବୋଲି ଆଲୋଚନା କରାଯାଇଥିଲା । ଏହି ଅବସରରେ ବିଦ୍ୟାମନ୍ଦିର ପ୍ରଧାନ ଆଚାର୍ଯ୍ୟ ରବିନ୍ଦ୍ରନାଥ ଦାଶ ଓ ଭଗବତୀ ପ୍ରସାଦ ମିଶ୍ରଙ୍କ ସମେତ ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା ଶିବିରକୁ ପରିଚାଳନା କରିବାରେ ସହାୟତା ପ୍ରଦାନ କରିଥିଲେ ।
