Bhagyaprabha News Bureau
ଶୀତଳଷଷ୍ଠୀ ପାଇଁ ଚଳଚଞ୍ଚଳ ସମ୍ବଲପୁର ସହର। ସରିଲା ନନ୍ଦପଡ଼ାର ବମବରାଡ଼ ବାଲୁଙ୍କେଶ୍ୱର ବାବାଙ୍କ ପତରପେଣ୍ଡି । ଆଜି ନୃସିଂହ ନିଉତା ବା ଦେବ ନିମନ୍ତ୍ରଣ ଅନୁଷ୍ଠିତ ହେବ । ଆସନ୍ତା ୭ ତାରିଖରେ ଲୋକାଚାରରେ ଦେବ ଦେବ ମହାଦେବଙ୍କ ମାତା ପାର୍ବତୀଙ୍କ ସହ ବିବାହ ସଂପନ୍ନ ହେବ । ଗତକାଲି ବମବରାଡ଼ ବାବା ବାଲୁଙ୍କେଶ୍ୱର ଓ ଜଗତଜଗନୀ ମାଆ ପାର୍ବତୀଙ୍କ ପତରପେଣ୍ଡି ବା ନିର୍ବନ୍ଧ ପାଇଁ ସାରା ସହର ଉତ୍ସବମୁଖରିତ ହୋଇଉଠିଥିଲା । ପତରପେଣ୍ଡି ପାଇଁ ଦଳେଇପଡ଼ାରେ କନ୍ୟାପିତା ପ୍ରକାଶ ପାଣ୍ଡେଙ୍କ ଘରେ ପହଞ୍ଚିଥିଲେ ସପ୍ତଋଷି । ପତରପେଣ୍ଡି ସହ ବିବାହର ତାରିଖ ନିର୍ଘଣ୍ଟ କରାଯାଇଛି। ଆସନ୍ତା ୭ତାରିଖରେ ମହାଦେବଙ୍କ ବିବାହ ଅନୁଷ୍ଠିତ ହେବ , ୮ ତାରିଖ ରାତିରେ ଦେବ ଦମ୍ପତ୍ତି ନଗର ପରିକ୍ରମା ବାହାରି ଭକ୍ତଙ୍କୁ ଦର୍ଶନ ଦେବାବେଳେ ୯ ତାରିଖ ଅପରାହ୍ନରେ ଦେବ ଦମ୍ପତ୍ତି ମନ୍ଦିରରେ ପ୍ରବେଶ କରିବେ ।
