ଆଜି ବିଶ୍ୱ ପରିବେଶ ଦିବସ ।ଚଳିତ ବର୍ଷର ଥିମ୍ ବାୟୁ ପ୍ରଦୂଷଣ ଉପରେ ଆଧାରିତ। ତା ପୂର୍ବରୁ ଗତକାଲି କେନ୍ଦ୍ର ପରିବେଶ ମନ୍ତ୍ରାଳୟ ପକ୍ଷରୁ ରିଲିଜ ହୋଇଛି ଏକ ଭିଡିଓ ସଙ୍ଗ୍ । ଯାହାର ଟାଇଟଲ୍ ରହିଛି ହାଓ୍ଵା ଆନେ ଦେ। ଗୀତରେ ଅଭିନୟ କରିଛନ୍ତି ବଲିଉଡ ଅଭିନେତା ଅକ୍ଷୟ କୁମାର। ପାଖାପାଖି ସାଢ଼େ ତିନି ମିନିଟର ଏହି ଭିଡିଓ ମାଧ୍ୟମରେ ବାୟୁ ପ୍ରଦୂଷଣ ରୋକିବା ସହ ପରିବେଶକୁ ସ୍ୱଚ୍ଛ ଓ ସୁନ୍ଦର କରି ଗଢିବା ବାର୍ତ୍ତା ପ୍ରଦାନ କରାଯାଇଛି । ଏହି ଗୀତରେ ବି ଟାଉନର ଅନେକ ସେଲିବ୍ରିଟିଙ୍କୁ ଦେଖିବାକୁ ମିଳିଛି । ବାୟୁ ପ୍ରଦୁଷଣକୁ ରୋକିବା ପାଇଁ ସେଲିବ୍ରିଟିମାନେ ଗୀତ ମାଧ୍ୟମରେ ମେସେଜ୍ ଦେଉଛନ୍ତି । ଗୀତର ପ୍ରଥମ ଦୃଶ୍ୟରେ ଅକ୍ଷୟ କୁମାର ନଜର ଆସିଛନ୍ତି ।ଅନ୍ୟ ତାରକାଙ୍କ ମଧ୍ୟରେ ଅଛନ୍ତି ବିକି କୌଶଲ, ରାଜକୁମାର ରାଓ, କପିଲ୍ ଶର୍ମା, କୋରିଓଗ୍ରାଫର୍ ସାମକ୍ ଡାବର, ସିଙ୍ଗର ସୁନିଧି ଚୌହାନ୍ ଓ ଶଙ୍କର ମହାଦେବନ୍ ଭଳି ଆହୁରି ଅନେକ ନାମୀଦାମୀ ତାରକା ।ବାୟୁ ପ୍ରଦୁଷଣ ସମସ୍ୟାର ସମାଧାଦ ଦିଗରେ ସନ୍ଦେଶ ଦେଇ ଆସୁଥିବା ବିଭିନ୍ନ ସଂସ୍ଥାର କୁନି କୁନି ପିଲାଙ୍କୁ ମଧ୍ୟ ଭିଡିଓରେ ଦେଖିବାକୁ ମିଳିଛି । ଆଗାମୀ ପିଢି ଓ ବାୟୁ ପ୍ରଦୁଷଣ ଜନିତ ସମସ୍ୟାକୁ ନେଇ ସମ୍ପୂର୍ଣ୍ଣ ଗୀତ ଫୋକସ୍ କରାଯାଇଛି । ଗଛ ଲଗାଇବା ଓ ଟ୍ରାଫିକ୍ ପାଇଁ ବାୟୁ ପ୍ରଦୁଷଣ ଉପରେ ଅଧିକ ଗୁରୁତ୍ୱ ଦିଆଯାଇଛି ।