ଚଳିତ ବର୍ଷ ବିଶ୍ୱପ୍ରସିଦ୍ଧ ରଥଯାତ୍ରାର ସିଧା ପ୍ରସାରଣ ପାଇଁ ମନ୍ଦିର ପ୍ରଶାସନ ପକ୍ଷରୁ ପ୍ରଥମ ଥର ପାଇଁ ଏକ ନୋଟିସ ଜାରି କରାଯାଇଛି । ଏହି ନୋଟିସରେ ପ୍ରସିଦ୍ଧ ରଥଯାତ୍ରାର ସିଧା ପ୍ରସାରଣ ପାଇଁ ଟିଭି ଚ୍ୟାନେଲ ସଂସ୍ଥା ଗୁଡିକୁ ଟେଣ୍ଡର ଡାକିବାକୁ ପଡିବ । ରଥାରୁଢ଼ ବିଗ୍ରହମାନଙ୍କୁ ସିଧାସଳଖ ଟିଭି ପରଦାରେ ଦେଖାଇବାପାଇଁ ସମ୍ପୃକ୍ତ ଟିଭି ଚ୍ୟାନେଲ ମାନଙ୍କୁ ଟେଣ୍ଡର ପ୍ରକ୍ରିୟାରେ ଅଂଶଗ୍ରହଣ କରିବାକୁ ପଡିବ । ଯେଉଁ ଟିଭି ଚ୍ୟାନେଲ ସଂସ୍ଥା ଅଧିକ ରାଶିର ଘୋଷଣା କରିଥିବେ ସେହି ଚ୍ୟାନେଲକୁ ହିଁ ରଥଯାତ୍ରାର ସିଧାପ୍ରସାରଣ କରିବାକୁ ଅନୁମତି ଦିଆଯିବ । ସ୍ନାନଯାତ୍ରାଠାରୁ ଆରମ୍ଭ କରି ରଥଯାତ୍ରା, ବାହୁଡ଼ା, ସୁନାବେଶ, ଅଧରପଣା ଓ ନୀଳାଦ୍ରିବିଜେ ପର୍ଯ୍ୟନ୍ତ ଏସବୁର ସିଧାପ୍ରସାରଣ ଅଧିକାର ପାଇଁ ହେବ ବିଡିଂ । ଏଥିପାଇଁ ଆସନ୍ତା ୧୦ ତାରିଖ ସୁଦ୍ଧା ଆବେଦନ କରିବାକୁ ଶ୍ରୀମନ୍ଦିର ପ୍ରଶାସନ ଘୋଷଣା କରିଛି ।