Bhagyaprabha News Bureau
ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଭୀଷ୍ମଗିରି ଗ୍ରାମରେ ଗତ ବୁଧବାରଠାରୁ ଆରମ୍ଭ ହୋଇଥିବା ମା ଅନ୍ନପୂର୍ଣ୍ଣେଶ୍ୱରୀଙ୍କ ଠାକୁରାଣୀ ଯାତ୍ରା ଗତକାଲି ଉଦଯାପିତ ହୋଇଯାଇଛି । ଅସ୍ଥାୟୀ ଯାତ୍ରା ପୀଠରେ ମାଙ୍କ ସ୍ୱତନ୍ତ୍ର ନୀତିକାନ୍ତି ଶେଷ ହେବାପରେ ଏକ ବିରାଟ ପଟୁଆରରେ ବାଦ୍ୟ ବାଜଣା ଓ ଆତସବାଜୀ ଫୁଟାଇ ଯାତ୍ରା ପରିଚାଳନା କର୍ମକର୍ତ୍ତା, ବିଭିନ୍ନ ସାହି ପୂଜା କମିଟି ଓ ସହସ୍ରାଧିକ ଭକ୍ତଙ୍କ ଗହଣରେ ମାଙ୍କୁ ନିଜ ମନ୍ଦିରକୁ ଅଣାଯାଇଥିଲା । ଏହି କଳାକୁଞ୍ଜ ମାନ ନିର୍ମିତ କରାଯିବା ସହ ରାମଦୋଳି , ମୀନାବଜାର ଓ ପ୍ରତ୍ୟେହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ଯାତ୍ରାର ଆକର୍ଷଣକୁ ବହୁଗୁଣିତ କରିଦେଇଥିଲା । ସେବାୟତ ବି. ଡମ୍ବୁରୁ ରେଡ୍ଡୀ, ରାଜା ରାଓ ରେଡ୍ଡୀ, ବାବୁ ରେଡ୍ଡୀ , ଜାଗିଲି ରେଡ୍ଡୀ , ଉଜ୍ଜଳ ରେଡ୍ଡୀ , ଜୟ ରେଡ୍ଡୀ , ବିଜୟ ରେଡ୍ଡୀ , ସାହେବ ରେଡ୍ଡୀ ପ୍ରମୁଖ ମାଙ୍କ ଦୈନଦୀନ ନୀତିକାନ୍ତି ସମ୍ପାବିତ କରିଥିବାବେଳେ ଯାତ୍ରା ପରିଚାଳନା କମିଟି ସଭାପତି ମହନ୍ତ ପଦ୍ମ ଚରଣ ଦାସ , ସମ୍ପାଦକ ବାଳକୃଷ୍ଣ ପଣ୍ଡା , କୋଷାଧ୍ୟକ୍ଷ ଭଗବାନ ଗୌଡ , ଯାତ୍ରାର ଉପଦେଷ୍ଟା ତଥା ସରପଞ୍ଚ ପିତାମ୍ବର ଗୌଡ ପ୍ରମୁଖ ଯାତ୍ରା ପରିଚାଳନା କରିଥିଲେ ।ଶୃଙ୍ଖଳିତ ଯାତ୍ରା ପରିଚାଳନାରେ ଗ୍ରାମବାସୀ ପୁର୍ଣ୍ଣ ସହଯୋଗ ଯୋଗାଇ ଥିବାରୁ କମିଟି ପକ୍ଷରୁ ସମସ୍ତଙ୍କୁ ସାଧୁବାଦ ଜ୍ଞାପନ କରାଯାଇଛି ।
