ଆଜି ହେଉଛି ବିଶ୍ୱ ନିଶା ନିବାରଣ ଦିବସ । ସାରା ଭାରତ ରେ ଆଜି ନିଶା ଦ୍ରବ୍ୟ ନିବାରଣ ଦିବସ ପାଳନ କରାଯାଉଥିବା ବେଳେ ଗଞ୍ଜାମ ଜିଲ୍ଲାର ଭଞ୍ଜନଗର ରେ ମଧ୍ୟ ପ୍ରଶାସନ ତରଫରୁ ନିଶାନିବାରଣ ଦିବସ ପାଳନ କରାଯାଇଛି । ଆଜି ସକାଳ 7ରେ ଭଞ୍ଜନଗର ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ନିକଟରୁ ଏକ ରାଲି ବାହାରି ନିଶା ବିରୋଧ ରେ ସ୍ଲୋଗାନ ଦେଇ ଭଞ୍ଜନଗର ସହର ପରିକ୍ରମା କରିଥିଲେ ।
ଏହି ରାଲି ରେ ମୁଖ୍ୟ ଅତିଥି ରୂପେ ଭଞ୍ଜନଗର ସବ ଡିଭିଜନ ର ଉପ-ଜିଲ୍ଲାପାଳ ରାଜେନ୍ଦ୍ର ମିଞ୍ଜ ଙ୍କ ସହିତ ତହସିଲଦାର ଦିନ ମଣି ନାୟକ, ଥାନା ଅଧିକାରୀ ସୁଦୀପ୍ତ ସାହୁ, ଅବକାରୀ ବିଭାଗ ଅଧିକାରୀ ପାର୍ଥ ସାରଥୀ ରାଉତ, ଲୋକ ସମ୍ପର୍କ ସୂଚନା ଅଧିକାରୀ ଫକୀର ମୋହନ ମାଝୀ, ଅନେକ ବରିଷ୍ଠ ସମାଜ ସେବି, ସି ଇ ଟି ସ୍କୁଲ, ଉପେନ୍ଦ୍ର ଭଞ୍ଜ ଉଚ୍ଚ ବିଦ୍ୟାଳୟ ଛାତ୍ର ଛାତ୍ରୀ ଙ୍କ ସହିତ ବିଭିନ୍ନ ବିଦ୍ୟାଳୟ ର ଛାତ୍ର ଛାତ୍ରୀ ଯୋଗ ଦେଇଛନ୍ତି । ଏହା ସହିତ ଉପ ଜିଲ୍ଲାପାଳ ରାଜେନ୍ଦ୍ର ମିଞ୍ଜ ସମାଜ ରେ ସମସ୍ତଙ୍କୁ ନିଶା ଦ୍ରବ୍ୟ ସେବନରୁ ନିବୃତ ରହିବା ପାଇଁ ପରାମର୍ଶ ଦେଇଛନ୍ତି ।