Bhagyaprabha News Bureau
ଦିଗପହଣ୍ଡି ଥାନା ଅନ୍ତର୍ଗତ ଫାସୀଗୁଡା ଗ୍ରାମରେ ଏକ ଅଭାବନୀୟ ଘଟଣା ଘଟିଥିବା ଜଣାପଡିଛି । ପାରିବାରିକ କଳହକୁ କେନ୍ଦ୍ରକରି ଜଣେ ମହିଳା କୀଟନାଶକ ଔଷଧ ପାନକରି ଆତ୍ମହତ୍ୟା କରିଥିବା ଜଣାପଡିଛି । ମୃତ ମହିଳା ଜଣଙ୍କ ହେଲେ ଦିଗପହଣ୍ଡି ଥାନା ଫାସୀଗୁଡା ଗ୍ରାମର ହୀନ ନାୟକ ସହଧର୍ମିଣୀ ଲିଲି ନାୟକ (୩୨) ବୋଲି ଜଣାପଡିଛି । ଖବରନୁଯାୟୀ , ମୃତ ଲିଲି ଓ ତାଙ୍କ ସ୍ବାମୀ ହୀନଙ୍କ ମଧ୍ୟରେ ଶୁକ୍ରବାର ମଧ୍ୟରାତ୍ରରେ କୈାଣସି ଏକ କାରଣକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ପରେ ପରିବାରର ସମସ୍ତେ ଶୋଇପଡିବା ପରେ ଲିଲି ମାନସିକ ଭାରସ୍ୟମ ହରାଇ ପୂର୍ବରୁ ଘରେ ଥିବା କୀଟନାଶକ ଔଷଧ ପିଇ ଦେଇଥିଲେ । ବଢିଭୋର ୩ ଘଣ୍ଟା ସମୟରେ ଲିଲି ଯନ୍ତ୍ରଣାରେ ଛଟପଟ ହୋଇ ଚିତ୍କାର କରୁଥିବା ସମୟରେ ପରିବାର ଲୋକେ ସହାୟତାରେ ପ୍ରଥମେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ଲିଲିଙ୍କ ଅବସ୍ଥାରେ କୈାଣସି ସ୍ଥିରତା ନ ଆସିବାରୁ ବ୍ରହ୍ମପୁର ବଡ଼ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ସକାଳ ୬ ଟାରେ ଲିଲିଙ୍କ ମୃତ୍ୟୁ ହୋଇଥିବା ଜଣାପଡିଛି। ମୃତ ଲିଲିଙ୍କ ୨ଟି ପୁଅ ଓ ଗୋଟିଏ ଦେଢ ବର୍ଷର ଝିଅ ଥିବା ଜଣାପଡିଛି । ଶନିବାର ଅପରାହ୍ନରେ ଶବ ବ୍ୟବଚ୍ଛେଦ ହେବା ପରେ ମୃତଦେହକଙ ପରିବାରକୁ ହସ୍ତାନ୍ତର କରାଯାଇଥିଲା ।
