Bhagyaprabha News Bureau
ଆଜି ବିଜେପିର ଆରମ୍ଭ ହେବାକୁ ଥିବା ଦେଶବ୍ୟାପୀ ସଦସ୍ୟତା ଅଭିଯାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ସଂସଦୀୟ କ୍ଷେତ୍ର ବାରାଣସୀ ଗସ୍ତ କରୁଛନ୍ତି । ଏହି ଗସ୍ତ ଅବସରରେ ନରେନ୍ଦ୍ର ମୋଦୀ ବାରାଣସୀରେ ଥିବା ବିମାନବନ୍ଦରରେ ପୂର୍ବତନ ପ୍ରଧାନମନ୍ତ୍ରୀ ଲାଲବାହାଦୂର ଶାସ୍ତ୍ରୀଙ୍କର ପ୍ରତିମାର ଶୁଭ ଉନ୍ମୋଚନ କରିବେ । ଏତଦବ୍ୟତୀତ ସେ ଲାଲପୁରରେ ଦୀନଦୟାଲ ଉପାଧ୍ୟାୟ ବ୍ୟାବସାୟିକ ସୁବିଧା କେନ୍ଦ୍ରରେ ପାଖାପାଖି ୫୦୦୦ ପାର୍ଟି କାର୍ଯ୍ୟକର୍ତ୍ତାଙ୍କୁ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଏଠାରେ ମୋଦୀ ସଦସ୍ୟତା ଅଭିଯାନ ଆରମ୍ଭ କରିବେ ଏବଂ କିଛି ବିଜେପି କାର୍ଯ୍ୟକର୍ତ୍ତାଙ୍କୁ ସମ୍ମାନୀତ କରିବେ ବୋଲି ବି ଜଣାଯାଇଛି। ମୋଦୀ ଟୁଇଟ କରି ଏ ସଂପର୍କରେ ସୂଚନା ଦେଇଛନ୍ତି , ସେ ଉଲ୍ଲେଖ କରିଛନ୍ତି ଯେ ଏହି ଅଭିଯାନ ସମାଜର ସବୁ ବର୍ଗର ଲୋକଙ୍କୁ ବିଜେପି ପରିବାର ସହ ଯୋଡ଼ିବ । ଏହା ବିଜେପିକୁ ଅଧିକ ଶକ୍ତିଶାଳୀ କରିବ ବୋଲି ବି ସେ ଆଶା ପ୍ରକାଶ କରିଛନ୍ତି । 'ଆମର ପ୍ରେରଣା' ଡା. ଶ୍ୟାମା ପ୍ରସାଦ ମୁଖାର୍ଜୀଙ୍କ ଜୟନ୍ତୀ ଅବସରରେ ବିଜେପିର ସଦସ୍ୟତା ଅଭିଯାନ ଆରମ୍ଭ ହେଉଛି ।
