Bhagyaprabha News Bureau
ପଞ୍ଜାବ ମନ୍ତ୍ରୀମଣ୍ଡଳରୁ ନବଜ୍ୟୋତ ସିଂହ ସିଦ୍ଧୁ ଆଜି ଇସ୍ତଫା ଦେଇଥିବା ଜଣାପଡିଛି । ରାହୁଲ ଗାନ୍ଧିଙ୍କ ନିକଟକୁ ସେ ନିଜ ଇସ୍ତଫା ପତ୍ର ପଠାଇଛନ୍ତି । ଏନେଇ ଆଜି ଟୁଇଟ୍ କରି ସୂଚନା ଦେଇଛନ୍ତି ସିଦ୍ଧୁ । ନିଜ ଟୁଇଟରରେ ସିଦ୍ଧୁ ଲେଖିଛନ୍ତି, ଗତ ଜୁନ୍ ମାସ ୧୦ ତାରିଖରୁ ସେ ନିଜ ଇସ୍ତଫା ଦେଇଛନ୍ତି । ଏହା ସହ ରାହୁଲ ଗାନ୍ଧିଙ୍କ ନିକଟକୁ ପଠାଇଥିବା ନିଜର ଇସ୍ତଫାପତ୍ର ମଧ୍ୟ ସେ ଟୁଇଟରରେ ସେୟାର କରିଛନ୍ତି ।ସୂଚନାଯୋଗ୍ୟ , ଗତ କିଛି ମାସ ହେବ ପଞ୍ଜାବର ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କ ସହ ନବଜ୍ୟୋତ ସିଂହ ସିଦ୍ଧୁଙ୍କର ତୀବ୍ର ମତଭେଦ ଲାଗି ରହିଥିଲା।
