Kiran Behera
ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ତପ୍ତପାଣୀ ନିକଟସ୍ଥ ରଜନାପଲ୍ଲୀ କୁକୁଡା ଫାର୍ମଠାରେ ମଙ୍ଗଳବାର ଅପରାହ୍ନରେ ଏକ ବାଲି ବୋଝେଇ ଟ୍ରାକ୍ଟର ଓଲଟି ଜଣେ ମୃତ ହୋଇଥିବା ବେଳେ ଟ୍ରାକ୍ଟର ଚାଳକ ଗୁରୁତର ଆହାଚ ହୋଇଥିବା ଜଣାପଡିଛି । ସୁଚନାପ୍ରକାରେ, ମୃତକ ଜଣକ ହେଲେ ପାଟପୁର ଥାନା ଅନ୍ତର୍ଗତ ଟି ଗୋବିନ୍ଦପୁର ପଞ୍ଚାୟତ ରାମପଲ୍ଲୀ ଗ୍ରାମର କୈଳାଶ ବଡରଇତ (୩୫) ଏବଂ ଆହାତ ଚାଳକ ଜଣକ ହେଲେ ପୋଡାମାରି ପଞ୍ଚାୟତ ରାଜପୁର ଗ୍ରାମର ଓପିନ ଗମାଙ୍ଗ (୨୪) ବୋଲି ସୁଚନା ମିଳିଛି । ଖବର ପ୍ରକାରେ ଓପିନ ଗମାଙ୍ଗୋ ନିଜ ଟ୍ରାକ୍ଟର (ଓଆର୨୦-୭୪୮୫) ଯୋଗେ ମୌଳାଭଞ୍ଜା ଗ୍ରାମର ଗୁମା ଗ୍ରାମଦେଇ ଯାଇଥିବା ଘୋଡାହାଡ ନଦୀରୁ ବାଲି ନେଇ କୃଷ୍ଣପୁର ଗ୍ରାମକୁ ଯିବା ସମୟରେ ପୋଡାମାରିଠାରେ ମୃତକ କୈଳାଶ ଟ୍ରାକ୍ଟର ଡ୍ରାଇଭରଙ୍କୁ ନିଜ ଗ୍ରାମ ରାମପଲ୍ଲି ଯିବାପାଇଁ ଲିପ୍ଟ ମାଗିଗାଡିରେ ଯାଇଥିଲେ । କିଛି ଦୁର ଯିବା ପରେ ଟ୍ରାକ୍ଟରଟି ଭାରସାମ୍ୟ ହରାଇ ଏକ ବିଲରେ ଓଲଟି ପଡିଥିଲା । ଗ୍ରାମବାସୀଙ୍କ ଦ୍ବାରା ପାଟପୁର ଦମକଳ ବାହିନୀ ଖବର ପାଇ ଘଟଣଆସ୍ଥଳରେ ପହଞ୍ଚି ଗୁରୁତର ଆହାତ ହୋଇଥିବା ଚାଳକଙ୍କୁ ଦିଗପହଣ୍ଡି ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲେ । ପ୍ରାଥମିକ ଚିକିତ୍ସା ପରେ ଚାଳକ ଜଣକ ସୁସ୍ଥ ଥିବା ଜଣାପଡିଛି କିନ୍ତୁ କୈଳାଶଙ୍କର ଘଟଣାସ୍ଥଳରେ ହିଁ ମୃତ ହୋଇଛି । ଘଟଣାସ୍ଥଳରେ ପାଟପୁର ପୋଲିସ ପହଞ୍ଚି ମୃତ କୈଳାଶଙ୍କ ଶବକୁ ଜବତ କରିବା ସହ ଶବ ବ୍ୟବଚ୍ଛେଦ ନିମନ୍ତେ ଏମକେସିଜିକୁ ସ୍ଥାନାନ୍ତରଣ କରିବାସହ ତଦନ୍ତ ଜାରି ରଖିଛି ।
