ବ୍ରହ୍ମପୁର ସହରର ବୈଦ୍ୟନାଥପୁର ଥାନା ଅଞ୍ଚଳର ଇଂଞ୍ଜିନିୟରିଙ୍ଗ୍ ସ୍କୁଲ ରାସ୍ତାରେ ରହିଥିବା ଏକ ଘରୋଇ ସୁନାରଣ ପ୍ରଦାନକାରୀ ସଂସ୍ଥା ଉପରେ ହୋଇଥିବା ଲୁଟ ଉଦ୍ୟମ ବିଫଳ ହୋଇଥିବା ବେଳେ ଏହି ଘଟଣାରେ ତିନି ଜଣ ଆହାତ ହୋଇଛନ୍ତି । ସକାଳ ସମୟରେ ଚାରି ରୁ ପାଞ୍ଚ ଜଣ ଦୁବୁର୍ତ୍ତ କମ୍ପାନୀ ଭିତରେ ଧସେଇ ପଶିଥିଲେ। ହଠାତ୍ ଲୁଟେରା ମାନେ ମାଉଜର ଦେଖାଇ ତିନିଜଣ କର୍ମଚାରୀଙ୍କୁ ମାଡ ମାରିବା ସହ ଲକ୍କର ଚାବି ମାଗି ଖୋଲିବାକୁ ଉଦ୍ୟମ କରିଥିଲେ । ହେଲେ ଓଟିପି ସିଷ୍ଟମ ରହିଥିବାରୁ ଦୁବୁର୍ତ୍ତ ମାନେ ଲୁଟ କରିବାରେ ବିଫଳ ହୋଇଥିଲେ । ହେଲେ ଏହି ଘଟଣାରେ ଦୁର୍ବୃତ୍ତ ମାନେ କର୍ମଚାରୀଙ୍କୁ ମାଡ଼ ମାରିବା ସହ ବାନ୍ଧି ଦେଇ ରଖିଖିବା ବେଳେ ଉକ୍ତ ସମୟରେ ସେହି ସଂସ୍ଥାରେ କାର୍ଯ୍ୟରତ ଜଣେ ମହିଳା ସୁଇପର ଭିତରକୁ ଆସିଯାଇଥିବାରୁ ମାଉଜର ଦେଖାଇ ଧମକ ଦେବା ସହ ପାଟି ବନ୍ଦ କରିବାକୁ କହିଥିଲେ ।
ଦୁର୍ବୃତ ମାନେ ଏହି ଘଟଣାରେ କାର୍ଯ୍ୟରତ ତିନି ଜଣ କର୍ମଚାରୀ ଡି.ଶ୍ରୀଧର ଆଚାରୀ ,ମୃତ୍ୟୁଞ୍ଜୟ ନାୟକ ଓ ମିହିର ପ୍ରଧାନଙ୍କୁ ମାଡ ମାରିବା ସହ ସେମାନଙ୍କ ମୋବାଇଲ ଛଡାଇ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ବୈଦ୍ୟନାଥପୁର ଥାନା ପୋଲିସ ସମେତ ବହୁ ବରିଷ୍ଠ ଅଧିକାରୀ ଓ ସାଇଣ୍ଟିଫିକ୍ ଟିମ୍ ଘଟଣା ସ୍ଥଳରେ ପହଞ୍ଚି ଏହାର ତଦନ୍ତ ଆରମ୍ଭ କରିଛନ୍ତି ।ଏପରିକି ସେଠାରେ ରହିଥିବା ସିସି ଟିଭି ଫୁଟେଜକୁ ଅନୁଧ୍ୟାନ କରାଯିବ ବୋଲି କୁହାଯାଇଛି ।