Bhagyaprabha News Bureau
ଗଞ୍ଜାମ ଜିଲ୍ଲା ଆସିକା ପୋଲିସର ବଡ ସଫଳତା । ବହୁ ଚର୍ଚ୍ଚିତ ଓ ବିଭିନ୍ନ ଅପରାଧିକ ମାମଲାରେ ଜଡିତ ଥିବା ଗୁରୁ ପ୍ରସାଦ ସ୍ବାଇଁ ସୋମବାର ସକାଳୁ ଆସିକା ଚାରିମାଇଲ ଛକ ନିକଟରେ ପୋଲିସ ଏନକାଉଣ୍ଟରରେ ଗୁରୁତର ଆହତ ହୋଇଛନ୍ତି । ଗୁରୁଙ୍କ ଗୋଡରେ ଗୁଳି ବାଜିଥିବା ବେଳେ ପୋଲିସ ତାଙ୍କ ନିକଟରୁ ଗୋଟିଏ ମାଉଜର , ଦୁଇଟି ଜୀବନ୍ତ ଗୁଳି ସହ ଗୋଟିଏ ମୋଟରସାଇକେଲ ଜବତ କରିଥିବା ସୂଚନା ମିଳିଛି ।ଗୁରୁ ଓ ଅନ୍ୟତମ ସହଯୋଗୀ ସୋମବାର ବଡ଼ି ଭୋରରୁ ଚାରିମାଇଲ ଛକ ନିକଟରେ ଘୁରି ବୁଲୁଥିବା ସମୟରେ ଆସିକା ପୋଲିସ ଖବର ପାଇଁ ଅପରାଧିକୁ ଧରିବା ପାଇଁ ପୋଲିସ ଟିମ୍ ପହଞ୍ଚିବା ମାତ୍ରେ ଗୁରୁ ପୋଲିସ ନିକଟରୁ ଖସି ପଳାଇଯିବା ଉଦ୍ୟମ କରିଥିଲା । ଏବଂ ପୋଲିସ ଉପରକୁ ପାଲଟା ଆକ୍ରମଣ କରିଥିଲା । ଏହି ଘଟଣାରେ ଦୁଇ ପୋଲିସ କର୍ମଚାରୀ ଆହତ ହୋଇଥିବା ବେଳେ ଗୁରୁଙ୍କ ସହଯୋଗୀ ତଥା ଅନ୍ୟତମ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡ଼ିଛି । ଅଭିଯୁକ୍ତ ଗୁରୁ ନାମରେ ବଡଗଡ ଗାଙ୍ଗପୁର ସନ୍ୟାସୀ ବିଷୋୟୀ ହତ୍ୟା କାଣ୍ଡ ସମେତ ଜିଲ୍ଲାର ବିଭିନ୍ନ ଥାନା ରେ ୧୩ ଟି ଅପରାଧିକ ମାମଲା ରହିଛି ।
