ରାଜ୍ୟର ବିଭିନ୍ନ ଅଞ୍ଚଳରେ ପ୍ରବଳରୁ ଅତି ପ୍ରବଳ ମାତ୍ରାରେ ବର୍ଷା ହେବା ଫଳରେ କୃତିମ ବନ୍ୟା ସୃଷ୍ଟି ହେବା ସହ ଲଗାଣ ବର୍ଷାଯୋଗୁଁ ସାଧାରଣ ଜନଜୀବନ ପ୍ରବାହିତ ହେଉଛି । ଗଜପତିର କାଶିନଗରରେ ବଂଶଧାରା ନଦୀ ବିପଦ ସଂକେତ ୫୪ ମିଟର ଥିବାବେଳେ ପାଣିରବେଗ ୫୫.୭୫ ମିଟର ଥିବାରୁ ଗାଁର ସମସ୍ତ ଲୋକଙ୍କୁ ସ୍ଥାନାନ୍ତରିତ କରାଯାଇଛି । ସେହିପରି ରାୟଗଡା ଜିଲ୍ଲାର ବିଭିନ୍ନ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଗୁଡାରି ସହର ଭିତରେ ପାଣି ପଶିବା ଫଳରେ ଗାଁ ର ସମସ୍ତ ଲୋକଙ୍କୁ ସ୍କୁଲକୁ ସ୍ଥାନାନ୍ତର କରାଯାଇଛି । ସେହିପରି ବିସ୍ମୟକଟକରେ ମଧ୍ୟ ବନ୍ୟା ପରିସ୍ଥିତି ସୃଷ୍ଟି ହେବା ଫଳରେ ୭୦ ଜଣଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ମାଲକାନଗିରିର ସମସ୍ତ ବ୍ରିଜ ଉପରେ ପାଣି ଯିବା ଫଳରେ ସାଧାରଣ ଜୀବନ ଅବ୍ୟାହତ ହେଉଛି । ମାଲକାନଗିରି, କୋରାପୁଟ ଓ ରାୟଗଡାରେ ଓଡ୍ରାଫ ଟିମ ମୁତୟନ କରାଯାଇଛି ।