Kiran Behera
ଦିଗପହଣ୍ଡି ବିଜ୍ଞାପିତ ଅଞ୍ଚଳ ପରିଷଦକୁ ପଲିଥିନ ମୁକ୍ତ ଏନ୍ଏସିରେ ପରିଣତ କରିବା ପାଇଁ ଏକ ଦସ୍ତଖତ ଅଭିଯାନ କରାଯିବା ସହ ଲୋକନୃତ୍ୟ ଦାସକାଠିଆ ମାଧ୍ୟମରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସ୍ୱଚ୍ଛ ଓଡିଶା ସୁସ୍ଥ ଓଡିଶା ମିଶନ ଆନୁକୁଲ୍ୟରେ ଏନ୍ଏସି ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମକୁ କାର୍ଯ୍ୟ ନିର୍ବାହୀ ଅଧିକାରୀ ପ୍ରଫୁଲ୍ଲ ଚନ୍ଦ୍ର ଡାକୁଆ ଉଦଘାଟନ କରିଥିଲେ । ବଜାର ଗାନ୍ଧୀ ଛକଠାରେ ଆମ ସହର ଆମ ସ୍ବାଭିମାନ ନେଇ ଦାସକାଠି ଦଳ ସଚେତନତା ସୃଷ୍ଟି କରିବା ସହ ପଲିଥିନ ଓ ପ୍ଳାଷ୍ଟିକ ବର୍ଜନ କରି ଏକ ସୁସ୍ଥ ପରିବେଶ ସୃଷ୍ଟି କରିବାପାଇଁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପ୍ରଭାକର ମେକାପ, ହରିକୃଷ୍ଣ ସାହୁ , ସନ୍ତୋଷ ମହାନ୍ତି, ସନ୍ତୋଷ ପାଢୀ, ଦୂର୍ଗା ମାଧବ ପ୍ରଧାନ, ସାହେବ ରେଡ୍ଡୀ , ପାଣ୍ଡବ ସେଠୀ, ସତ୍ୟ ନାରାୟଣ ଦାସ ସମେତ ଏନ୍ଏସିର ସମସ୍ତ କର୍ମଚାରୀ ଉପସ୍ଥିତ ଥିଲେ ।
