Bhagyaprabha News Bureau
ଲଗାଣ ବର୍ଷା ପ୍ରଭାବରେ ସୁବର୍ଣ୍ଣପୁର ଜିଲ୍ଲା ତରଭା ଅଂଚଳରେ ସୃଷ୍ଟି ହୋଇଥିଲା ବନ୍ୟା ପରିସ୍ଥିତି । ବନ୍ୟା ପ୍ରଭାବରେ ଘର ଦ୍ବାର ଭାଙ୍ଗିବା ସହ ଲକ୍ଷାଧିକ ଟଙ୍କାର କ୍ଷତି ହୋଇଥିବା ଅଭିଯୋଗ ହୋଇଛି । ବିଶେଷକରି ତରଭା ସହରରେ ବ୍ୟପକ କ୍ଷତି ହୋଇଥିବାବେଳେ ପ୍ରଶାସନ ପକ୍ଷରୁ କୌଣସି ସୁବିଧା ଯୋଗାଇ ଦିଅାଯାଇପାରି ନାହିଁ । ଫଳରେ ଜିଲ୍ଲାପାଳଙ୍କୁ ଘେରିଲେ ସାଧାରଣ ଜନତା ଜିଲ୍ଲାପାଳ ମୋନୀଷା ବାନାର୍ଜୀ ବନ୍ୟା ପରର ସ୍ଥିତି ପରକ୍ଷିବା ପାଇଁ ତରଭା ଯାଇଥିବାବେଳେ ବନ୍ୟା ପିଡିତଙ୍କ ଆକ୍ରୋଶର ଶିକାର ହୋଇଥିବା ଦେଖିବାକୁ ମିଳିଛି । ସହରର କୁମ୍ଭାରପଡା, ନୂଆପଡା,ଚମାରପଡା ଠାରେ ଜିଲ୍ଲାପାଳଙ୍କୁ ଶତାଧିକ ମହିଳା ପୁରୁଷମାନେ ଘେରି ଉପଯୁକ୍ତ ସୁବିଧା ନ ମିଳିବା ଯାଏ ଛାଡ଼ି ବୁ ନାହିଁ ବୋଲି ଯୁକ୍ତି କରିଥିଲେ । ବହୁ ସମୟ ପରେ ପୋଲିସ ସାହାଯ୍ୟରେ ଜିଲ୍ଲାପାଳକୁ ବାହାର କରାଯାଇ ଥିଲା। ବନ୍ୟା ଛାଡିବାର ୨୪ ଘଣ୍ଟା ବିତି ଯାଇଥିଲେ ହେ ପ୍ରଶାସନ ପକ୍ଷରୁ କୌଣସି ସାହାଯ୍ୟ ମିଳି ନଥିବା ଅଭିଯୋଗ ହୋଇଛି ।
