Bhagyaprabha News Bureau
ଆଜି ହେଉଛି ଭାରତର ପୁର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ୭୫ତମ ଜନ୍ମ ବାର୍ଷିକୀ । ଆଜିର ଦିନରେ ଭାରତର ପ୍ରତିଟି ନାଗରିକ ଏହି ମହାନ ଜନନାୟକଙ୍କୁ ମନେ ପକାଉଛନ୍ତି । ରାଜୀବ ଗାନ୍ଧୀଙ୍କ ସମାଧିସ୍ଥଳ ବୀରଭୂମି ଠାରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ, ସୋନିଆ ଗାନ୍ଧୀ , ପ୍ରିୟଙ୍କା ଗାନ୍ଧି, ଗୁଲାମ ନବୀ ଆଜାଦ୍, ଅହମ୍ମଦ ପଟେଲ , ଭୁପେନ୍ଦ୍ର ସିଂ ହୁଡ଼ାଙ୍କ ସମେତ ବହୁ କଂଗ୍ରେସ ନେତା ତାଙ୍କ ସମାଧୀ ପୀଠରେ ପହଞ୍ଚି ଶ୍ରଦ୍ଧାଞ୍ଜଳି ଜଣାଇଛନ୍ତି। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ୱିଟ କରି ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ସୁଚନାଯୋଗ୍ୟ, ୧୯୪୪ ମସିହା ଅଗଷ୍ଟ ୨୦ ରେ ଜନ୍ମଗ୍ରହଣ କରିଥିବା ରାଜୀବ ୧୯୮୪ ମସିହାରେ ଦେଶର ସର୍ବକନିଷ୍ଠ ପ୍ରଧାନମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଥିଲେ ।
