ପାଟପୁର ବସଷ୍ଟାଣ୍ଡ ପୋଲିସ ଥାନା ନିକଟରେ ଥିବା ସିଣ୍ଡିକେଟ ବ୍ୟାଙ୍କରେ ଆଜି ଅପରାହ୍ନରେ ବିଦ୍ୟୁତ୍ ସର୍ଟ୍ ସର୍କିଟ କାରଣରୁ ଅଗ୍ନିକାଣ୍ଡ ଘଟିଥିବା ଜଣା ଯାଇଅଛି । ଆଜି ଜନ୍ମାଷ୍ଟମୀ ସରକାରୀ ଛୁଟି ଯୋଗୁଁ ବ୍ୟାଙ୍କ୍ ବନ୍ଦ ରହିଥିଲା ।କୌଣସି କାରଣରୁ ନିଆଁ ଲାଗିଥିବାରୁ ଭେନ୍ତିଲେଟର ଦେଇ ଧୂଆଁ ବାହାରି ପୋଡ଼ାଗନ୍ଧ ରୁ ରାସ୍ତାରେ ଯାଉଥିବା ଲୋକମାନେ ଜାଣିପାରି ଅଗ୍ନିଶମ ବିଭାଗକୁ ଖବର ଦେଇଥିଲେ ।ପାଟପୁର ରହୁଥିବା ଜନୈକ କର୍ମଚାରୀ ଖବର ପାଇ ଆସି ବ୍ୟାଙ୍କ୍ ଦୁଆର ଖୋଲିଥିଲେ ।ଜନସାଧାରଣଙ୍କ ସହାୟତାରେ ରୁଦ୍ଧ କୋଠରୀର ବିଦ୍ୟୁତ୍ ସଂଯୋଗ କରିଥିଲେ ।ଧୂଆଁ ମୟ ବ୍ୟାଙ୍କ ଘରେ ଅଗ୍ନିଶମ ବିଭାଗ ପ୍ରବେଶ କରି ଅନୁଧ୍ୟାନ କରିଥିଲା ।ସର୍ଟ୍ ସର୍କିଟ ଯୋଗୁଁ ନିଆଁ ଲାଗିଥିବା ସହ ବ୍ୟାଙ୍କ୍ ର ଗୋଟିଏ ଟେବୁଲର କମ୍ପୁଟର ସିଷ୍ଟମ ସହ ଫେନ୍ ,ଟେବୁଲ୍ ଓ ଦରକାରୀ ବ୍ୟାଙ୍କ୍ ଫାଇଲ ପୋଡ଼ି ନଷ୍ଟ ହୋଇଥିବା ଦେଖିବାକୁ ମିଳିଥିଲେ।