Kiran Behera
ଗଞ୍ଜାମ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଶନିବାର ଦିନ ଦିଗପହଣ୍ଡି ବ୍କକ ପଦ୍ମନାଭପୁର ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ପଞ୍ଚାୟତ ସ୍ତରୀୟ ଜନ ଅଭିଯୋଗ ଶୁଣାଣୀ ତଥା ମୋ ନିବେଦନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସ୍ଥାନୀୟ ସରପଞ୍ଚ ବି. କ୍ରିଷ୍ଣାରାଓ ସୁବୁଦ୍ଧିଙ୍କ ଅଧ୍ୟକ୍ଷତାରେ ଆୟୋଜିତ ଶୁଣାଣୀ କାର୍ଯ୍ୟକ୍ରମରେ ସଂପ୍ରସାରଣ ଅଧିକାରୀ ଉମେଶ କୁମାର ସେଠୀ ମୁଖ୍ୟ ଅତିଥିଭାବେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ସେହିପରି ସ୍ଥାନୀୟ ରାଜସ୍ବ ନୀରିକ୍ଷକ ଫକୀର ମୋହନ ରାଉତ , ପଞ୍ଚାୟତ ନିର୍ବାହୀ ଅଧିକାରୀ ଗୈାରାଙ୍ଗ ଚରଣ ଲେଙ୍କା , ପଶୁ ଚିକିତ୍ସକ ଅନୀତା ଦୋରା , ନାଏବ ସରପଞ୍ଚ ଉର୍ବଷୀ ପୂଜାରୀ , ନାଏବ ସରପଞ୍ଚ ପ୍ରତିନିଧି ମନୋଜ କୁମାର ଚୋଧୁରୀ , ସ୍ଥାନୀୟ ଜିଆରଏସ୍ ବି. ଦୁର୍ଯୋଧନ ରେଡ୍ଡୀ , କଇଠଡା ଜିଆରଏସ୍ ସନ୍ତୋଷ କୁମାର ପାତ୍ର , ସମିତି ସଭ୍ୟ ସୁଶାନ୍ତ ସେଠୀ , ଦିପ୍ତିରେଖା ବେହେରା ପ୍ରମୁଖ ସମ୍ମାନୀୟ ଅତିଥିଭାବେ ମଞ୍ଚାସୀନ ଥିଲେ । ଏହି ପରିପ୍ରେକ୍ଷୀରେ ୩୫୦ ଜଣ ହିତାଧିକାରୀ ୪୩୨ ଟି ବିଭିନ୍ନ ଯୋଜନା ପାଇଁ ଆବେଦନ କରିଥିବା ଜଣାପଡିଛି । ବିଭିନ୍ନ ଭତ୍ତା ପାଇଁ ୧୩୧ ଜଣ , ପାଇଖାନା ନିର୍ମାଣ ପାଇଁ ୫୩ ଜଣ , ରାସନ୍ କାର୍ଡ ନିମନ୍ତେ ୪୨ ଜଣ , ଗୁହାଳ ନିର୍ମାଣ ପାଇଁ ୧୮ଜଣ , ରନ୍ଧନ ଗ୍ୟାସ ନିମନ୍ତେ ୦୬ ,ପଟ୍ଟା ନିମନ୍ତେ ୦୯ , ବିଭିନ୍ନ ଉନ୍ନୟନମୂଳକ କାର୍ଯ୍ୟ ନିମନ୍ତେ ୦୩ , ବିଦ୍ୟୁତ ସଂଯୋଗ ପାଇଁ ୦୧ , ଗାଇଋଣ ନିମନ୍ତେ ୦୧ ଜଣ ନିବେଦନ କରିଥିଲେ । ଏଥିସହ କଇଠଡା ପଞ୍ଚାୟତର ବିଭିନ୍ନ ଯୋଜନା ପାଇଁ ୧୬ ଜଣ ହିତାଧିକାରୀ ଆବେଦନ କରିଥିଲେ । ଏହି କାର୍ଯ୍ୟକ୍ରମକୁ ସମସ୍ତ ଅଙ୍ଗନୱାଡ଼ି କର୍ମୀ , ୱାର୍ଡ ସଭ୍ୟ/ ସଭ୍ଯା ପରିଚାଳନା କରିବାରେ ସହଯୋଗ ପ୍ରଦାନ କରିଥିଲେ ।
