Kiran Behera
ଦିଗପହଣ୍ଡି ଥାନା ଅନ୍ତର୍ଗତ ପଦ୍ମନାଭପୁର ଗ୍ରାମରେ ରହୁଥିବା ଜଣେ ଅବସରପ୍ରାପ୍ତ ଶିକ୍ଷକ ସିଏଚ୍ . ରାଘବ ସୁବୁଦ୍ଧିଙ୍କ ଘର ତାଲା ଭାଙ୍ଗି ଦୁର୍ବୃତ୍ତ ମାନେ ନଗଦ ଟଙ୍କା ସହ ସୁନା ଓ ରୂପା ଚୋରିକରି ନେଇଥିବା ଅଭିଯୋଗ ହୋଇଥିବା ଜଣାପଡିଛି । ପୋଲିସର କହିନୁଯାୟୀ , ରାଘବଙ୍କ ନିଜ ସ୍ତ୍ରୀଙ୍କ ଅନ୍ତ୍ୟେଷ୍ଟି କ୍ରିୟା କ୍ରମ ପାଇଁ ସମସ୍ତେ ପୁରୀ ଚାଲି ଯାଇଥିବା ବେଳେ ଦୁର୍ବୃତ୍ତ ମାନେ ଘରର ତାଲା ଭାଙ୍ଗି ବହୁ ମୂଲ୍ୟ ଟଙ୍କାର ରୁପା ସାମଗ୍ରୀ , ଗୋଟିଏ ସୁନା ମୁଦି ଏବଂ ନଗଦ ୨୨ ହଜାର ଟଙ୍କା ଲୁଟି ନେଇଥିବା ଜଣାପଡିଛି । ଗତ ଅଗଷ୍ଟ ୧୫ ତାରିଖ ଦିନ ଏହି ଘଟଣା ଘଟିଥିଲେ ମଧ୍ୟ ଦ୍ବାଦଶାହ କାର୍ଯ୍ୟ ଶେଷ ପରେ ଗୁରୁବାର ଦିନ ରାଘବ ଦିଗପହଣ୍ଡି ଥାନାରେ ଅଭିଯୋଗ କରିଛନ୍ତି । ରାଘବଙ୍କ ଅଭିଯୋଗକୁ ଭିତ୍ତି କରି ପୋଲିସ ଥାନା କେସ ନଂ- ୧୫୫/୧୯ ଅନୁସାରେ ଏକ ମାମଲା ରୁଜୁ କରି ତଦନ୍ତ ଚଳାଇଥିଲେ ମଧ୍ୟ ଲୁଟେରାଙ୍କ ସମ୍ପର୍କରେ କୌଣସି ସୁରାକ ପାଇ ପାରିନଥିବା ଜଣାପଡ଼ିଛି ।
