ସାଉଥ୍ ସୁପରଷ୍ଟାର ପ୍ରଭାସ ଓ ବଲିଉଡ଼୍ ଅଭିନେତ୍ରୀ ଶ୍ରଦ୍ଧା କାପୁରଙ୍କ ଅଭିନୀତ ' ସାହୋ ' ଫିଲ୍ମ ଆସନ୍ତାକାଲି ରିଲିଜ ହେବାକୁ ଯାଉଛି । ପରଦାକୁ ଆସିବା ପୂର୍ବରୁ ସାହୋ ରଜନୀକାନ୍ତଙ୍କ ଫିଲ୍ମ ୨.୦ ଏବଂ ବାହୁବଳୀ-୨ର ରେକର୍ଡ ଭାଙ୍ଗି ଦେଇଛି । ଏହି ଫିଲ୍ମ ଦେଶର ୧୦ ହଜାର ପ୍ରେକ୍ଷାଳୟରେ ରିଜିଲ୍ ହେବ । ୩୫୦ କୋଟି ବଜେଟ୍ ନିର୍ମାଣ ହୋଇଥିବା ଏହି ଫିଲ୍ମଟିଉତ୍ତର ଭାରତରେ ସାହୋକୁ ୪ ହଜାର ୫୦୦ ସ୍କ୍ରିନ୍ ମିଳିଥିବାବେଳେ ତେଲେଙ୍ଗାନା ଏବଂ ଆନ୍ଧ୍ର ପ୍ରଦେଶରେ ୨ ହଜାରରୁ ଅଧିକ ସ୍କ୍ରିନ୍ ମିଳିଛି ।
ତେଣୁ ରିଲିଜ୍ର ପ୍ରଥମ ଦିନରେ ସାହୋ ୭୫ କୋଟି ଟଙ୍କା ଆୟ କରିବ ବୋଲି ଅନୁମାନ କରାଯାଉଛି । ସାହୋ ୪ଟି ଭାଷା ଯଥା ହିନ୍ଦୀ , ତାମିଲ , ତେଲୁଗୁ ଓ ମାଲୟାଲମରେ ତିଆରି ହୋଇଛି । ହିନ୍ଦୀରେ ପ୍ରଭାସ ନିଜେ ହିଁ ଡାଇଲଗ୍ କହିଛନ୍ତି । ସେହିପରି ସାହୋକୁ କିଣିବାକୁ କମ୍ପାନୀମାନଙ୍କ ମଧ୍ୟରେ ପ୍ରତିଯୋଗିତା ଲାଗିଛି । ତାମିଲ , ତେଲୁଗୁ ଓ ମାଲୟାଲମ ଭାଷାରେ ୭୦ କୋଟିରେ କିଣାଯାଇଛି ।
ସେହିପରି ହିନ୍ଦୀରେ ମଧ୍ୟ ୭୦ କୋଟି ଟଙ୍କାରେ କିଣାଯାଇଛି । ଏମିତିକି ଆମାଜନ୍ ମଧ୍ୟ ସାହୋକୁ ୪୦ କୋଟିରେ କିଣିଛି । ସୁଚନାଯୋଗ୍ୟ , ଗତକାଲି ଫିଲ୍ମଟି ୟୁଏଇରେ ରିଲିଜ୍ ହୋଇଛି। ସେଠାରେ ଫିଲ୍ମଟିକୁ ନେଇ ମିଶ୍ର ପ୍ରତିକ୍ରିୟା ମିଳିଛି। ସେଠାକାର କିଛି ଚଳଚ୍ଚିତ୍ର ସମୀକ୍ଷକ ଏହାର ବଢ଼ିଆ ହୋଇଛି କହି ୪ଟି ଷ୍ଟାର୍ ଦେଇଥିବା ବେଳେ ଆଉ କେହି କେହି ଏହା ଭାରି ବୋରିଂ ହୋଇଛି ବୋଲି କହିଛନ୍ତି।