ରାଜ୍ୟ ସରକାରଙ୍କ ଛାତ୍ର ସଂସଦ ନିର୍ବାଚନ ବାତିଲକୁ ଦୃଢ ବିରୋଧ କରି ଗୁରୁବାର ଦିନ ସ୍ଥାନୀୟ ଖେମୁଣ୍ଡି ମହାବିଦ୍ୟାଳୟ ଛାତ୍ରମାନେ କଲେଜ ମୁଖ୍ୟ ଫାଟକରେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିଛନ୍ତି । ସୁଚନାଯୋଗ୍ୟ , ଛାତ୍ରଛାତ୍ରୀମାନଙ୍କ ଶିକ୍ଷାର ଉନ୍ନତି ନିମନ୍ତେ ଚଳିତ ବର୍ଷ ରାଜ୍ୟ ଶିକ୍ଷା ସଚିବ ଶାଶ୍ୱତ ମିଶ୍ର ଛାତ୍ର ସଂସଦ ନିର୍ବାଚନକୁ ବାତିଲ କରିଛନ୍ତି । ଛାତ୍ର ନେତା ରଞ୍ଜନ କୁମାର ସାହୁ ଓ ଶିବପ୍ରସାଦ ଆଚାର୍ଯ୍ୟଙ୍କ ନେତୃତ୍ୱରେ ଆଜି ମହାବିଦ୍ୟାଳୟ ଛାତ୍ରମାନେ ଉତ୍ୟକ୍ତ ହୋଇ ସକାଳ ୧୧ଘଣ୍ଟା ସମୟରେ କଲେଜ ମୁଖ୍ୟ ଫାଟକରେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିଥିଲେ । ସରକାରଙ୍କ ଏହି ନିଷ୍ପତ୍ତିକୁ ଛାତ୍ରମହଲରେ ଦୃଢ ବିରୋଧ କରିବା ସହ ଛାତଛାତ୍ରୀ ମାନଙ୍କ ଗାଣତାନ୍ତ୍ରିକ ଅଧିକାର ସାବ୍ୟସ୍ତ କରି ନିଜ ମନପସନ୍ଦ ନେତା ସୃଷ୍ଟି କରୁଥିଲେ ଓ ସେହି ଛାତ୍ର ନେତା ଆଗାମୀ ଦିନ ରେ ସାମାଜର ନେତୃତ୍ୱ ନେଉଥିଲେ । ଆଗାମୀ ଦିନରେ ଯଦି ସରକାର ଏହାର ପୁନଃ ବିଚାର ନ କରାନ୍ତି ତାହାଲେ ରାଜ୍ୟ ବ୍ୟାପୀ ଆନ୍ଦୋଳନ କରାଯିବ ବୋଲି ଚେତାବନୀ ଦିଆ ଯାଇଛି। ଏହି ବିକ୍ଷୋଭରେ ଅନ୍ୟମାନଙ୍କ ମଧ୍ୟରେ ଆକାଶ ନାୟକ , ଶକ୍ତି ସ୍ଵରୁପ ପାଣିଗ୍ରାହୀ , ସୁରେଶ ସ୍ବାଇଁ , ସୁଧୀର କୁମାର ପଣ୍ଡା , ହୃଷିକେଶ ପାଢ଼ୀ , ଗଜେନ୍ଦ୍ର ସାହୁ , ଗଣେଶ ରାଉତ , ସୁରଜ ଗୈାଡ , ବିକ୍ରମ ମିଶ୍ର , ସଚିନ ବେହେରା , ଆଦିତ୍ୟ ଦେବଦାସ ପ୍ରମୁଖ ଉପସ୍ଥିତ ଥିଲେ