ଓଡିଶା ସୀମାନ୍ତରୁ ଦୁଇ ବେଆଇନ ଗଞ୍ଜେଇ ବେପାରୀଙ୍କୁ ଗିରଫ କଲା ଝାଡଖଣ୍ଡ ପୋଲିସ । ଗିରଫ ୨ଜଣ ହେଲେ ଫରିଦାବାଦ ର ରୁଷମ ଯାଦବ ଏବଂ ବିହାରର ଗନ୍ଦୁ ଚୌଧରୀ । ସେମାନଙ୍କ ନିକଟରୁ ପ୍ରାୟ ୧୮୦ କିଲୋ ଗଞ୍ଜେଇ ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ୩୦ ଲକ୍ଷ ଟଙ୍କା ହେବ । ଏକ ବୋଲେର ଗାଡିର ପଛ ସିଟ୍ ତଳେ ରଖି ଏହି ସବୁ ଗଞ୍ଜେଇ ଚାଲାଣ ହେଉଥିଲା । ଚାଲାଣ ବେଳେ ଚୋରା ଗଞ୍ଜେଇ ସହ ୨ ବେପାରୀକୁ ଧରିଛି ଝାଡଖଣ୍ଡ ପୋଲିସ । ଓଡିଶାର ଅନୁଗୁଳ ଜିଲ୍ଲାରୁ ଏହି ଗଞ୍ଜେଇ ଚୋରା ଚାଲାଣ ହେଉଥିବା ଯାଞ୍ଚ ବେଳେ ଜଣାପଡିଛି ।ଓଡ଼ିଶା ଦେଇ ଝାରଖଣ୍ଡ ଏବଂ ବିହାରକୁ ବଢୁଛି ବେଆଇନ ଗଞ୍ଜେଇ ବେପାର । କେବଳ ଗଞ୍ଜେଇ ନୁହେଁ ଡ୍ରଗ୍ସ ପରି ନିଶା ଦ୍ରବ୍ୟର ସୁରକ୍ଷିତ ରାସ୍ତା ପାଲଟିଛି ଓଡିଶାରୁ ଝାଡ଼ଖଣ୍ଡ ବିହାର ଭାୟା ସୁନ୍ଦରଗଡ ଜିଲ୍ଲା ।