ଶନିବାର ଦିନ ଠାରୁ ଦିଗପହଣ୍ଡି ନୂଆସାହି/ ଫୁଲସୁନ୍ଦରୀ ସାହିରେ ଅବସ୍ଥାପିତ ଆରାଧ୍ୟ ଦେବୀ ମାଁ ଫୁଲସୁନ୍ଦରୀ ବାର୍ଷିକ ଯାତ୍ରା ଉଦଘାଟିତ ହୋଇଯାଇଛି । ପ୍ରତିବର୍ଷ ଭଳି ଚଳିତ ବର୍ଷ ଭାଦ୍ରବ ମାସ ଶୁକ୍ଳ ନବମୀ ଶନିବାର ଦିନ ମାଁଙ୍କ ଯାତ୍ରା ଆରମ୍ଭ ହୋଇ ମଙ୍ଗଳବାର ଦିନ ଅର୍ଥାତ ୪ ଦିନ ଧରି ଯାତ୍ରା ଚାଲିବ ବୋଲି କମିଟି ପକ୍ଷରୁ ଖବର ମିଳିଛି । ମୁଖ୍ୟ ପୁରୋହିତ ଅନାଦିପାଣିଗ୍ରାହୀ ଓ ମନ୍ଦିର ପୂଜକ କୃଷ୍ଣ ପାଣିଗ୍ରାହୀଙ୍କ ନେତୃତ୍ୱରେ ପ୍ରଥମେ ମାଙ୍କ ଫୁଲବେଶ , ପୂଜା ଏବଂ ହୋମଯଜ୍ଞ ଆରମ୍ଭ ହୋଇଥିଲା । ଏନେଇ ଶନିବାର ସନ୍ଧ୍ୟା ପରଠାରୁ ମାଁ ଙ୍କ ଆଳତୀ ଦେଖିବା ପାଇଁ ବିଭିନ୍ନ ସ୍ଥାନରୁ ଲୋକମାନେ ଆସିବା ପରେ ଯାତ୍ରାପିଠ ଚଳଚଞ୍ଚଳ ହୋଇପଡିଥିବା ଜଣାପଡିଛି । ଯାତ୍ରା କମିଟି ସଭାପତି ପ୍ରଦୀପ୍ତ କୁମାର ପଟ୍ଟନାୟକ , ଉପସଭାପତି ନରସିଂହ ଦୋରା , ସମ୍ପାଦକ ପବିତ୍ର ବେହେରା ଓ ଯୁଗ୍ମ ସମ୍ପାଦକ କମଳାକାନ୍ତ ବେହେରା ,କୃଷ୍ଣଚନ୍ଦ୍ର ସାହୁ ସମେତ ବହୁଯାତ୍ରା କମିଟି ବୃନ୍ଦ ଓ ଗ୍ରାମବାସୀ ମାଙ୍କ ଯାତ୍ରା ପରିଚାଳନା କରିବାରେ ସହଯୋଗ କରିଥିବା ଜଣାପଡ଼ିଛି ।। ଏହି ଯାତ୍ରା ୪ ଦିନ ଧରି ହେବାକୁ ଯାଉଥିବା ବେଳେ ପ୍ରତ୍ଯହ ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ ବୋଲି ସଭାପତି ପ୍ରଦୀପ୍ତ ସୂଚନା ଦେଇଛନ୍ତି ।