ବଲାଙ୍ଗୀର ଜିଲ୍ଲା ମାଳପଡା ଅଞ୍ଚଳରେ ବଜ୍ରାଘାତରେ ଜଣଙ୍କ ମୁତ୍ୟୁ ଘଟିଥିବା ବେଳେ ଆଉ ଦୁଇ ଜଣ ଗୁରୁତର ଆହତ ହୋଇଛନ୍ତି । ଶିବାଶିଷ ଦାସ, ଅଲ୍ଲୀ ଖାନ ଓ ସମ୍ବିତ ଡାଙ୍ଗ ତିନି ସାଙ୍ଗ ନିଜର ବ୍ୟକ୍ତିଗତ କାମ ପାଇଁ ବଲାଙ୍ଗୀର ଆସିଥିଲେ । ସେଠାରୁ ସେମାନେ ଗୋଟିଏ ମଟର ସାଇକେଲରେ ନିଜ ଗ୍ରାମକୁ ଫେରୁଥିବା ସମୟରେ ଘଡ଼ଘଡ଼ି ମାରିବା ସହିତ ବର୍ଷା ହୋଇଥିଲା। ବର୍ଷା ହେଉଥିବା ଦେଖି ମାଳପଡା ମଦନ ଗୁଡିଆ ବଗିଚା ନିକଟସ୍ଥ ଏକ ଗଛ ମୂଳରେ ଆଶ୍ରୟ ନେଇଥିଲେ ତିନି ସାଙ୍ଗ । ଏହି ସମୟରେ ବଜ୍ରପାତ ହୋଇଥିଲା ଘଟଣାସ୍ଥଳରେ ହିଁ ଶିବାସିଷଙ୍କ ମୁତ୍ୟୁ ଘଟିଥିଲା ଏବଂ ଅନ୍ୟ ଦୁଇ ଜଣ ଗୁରୁତର ଆହତ ହୋଇଥିଲେ । ଆହତ ଦୁଇ ଜଣଙ୍କୁ ସ୍ଥାନୀୟ ଭୀମଭୋଇ ମେଡିକାଲ କଲେଜକୁ ଚିକିତ୍ସା ପାଇଁ ନେଇଥିଲେ ସ୍ଥାନୀୟ ଲୋକେ । ତେବେ ବର୍ତ୍ତମାନ ସୁଦ୍ଧା ଦୁଇ ଜଣଙ୍କ ସ୍ୱାସ୍ଥ୍ୟବସ୍ତାରେ କୌଣସି ସୁଧାର ଆସିନାହିଁ ।