Bhagyaprabha News Bureau
ବିଜେପୁର ନିର୍ବାଚନୀ ମଇଦାନକୁ ଓହ୍ଲାଇଛନ୍ତି ୩ପ୍ରମୁଖ ଦଳର ନେତା । କେଉଁ ରଣନୀତି ପ୍ରସ୍ତୁତ କଲେ ଭୋଟ ଆସିବ ଏନେଇ କର୍ମୀ ଓ ନେତାମାନେ ବନ୍ଦକବାଟ ମଧ୍ୟରେ ବୈଠକ କରୁଛନ୍ତି । ଏହାସହ ବିଭିନ୍ନ ଦଳରେ ସ୍ତାନୀୟ ନେତାଙ୍କ ମଧ୍ୟରେ ଯେଉଁ ଅନ୍ତଦ୍ୱନ୍ଦ ରହିଛି ତାହା କିପରି ଦୂର ହେବ ତାହା ଉପରେ ମଧ୍ୟ ଗୁରୁତ୍ୱ ଦିଆଯାଇଛି । ପୌର ନିର୍ବାଚନ ପୂର୍ବରୁ ବିଜେପର ଉପ-ନିର୍ବାଚନ ହେଉଥିବାରୁ ସବୁଦଳ ଯେକୌଣସି ଉପାୟରେ ମଧ୍ୟ ବିଜେପୁର ହାତେଇବାକୁ ଚାହୁଛନ୍ତି । ଏଥର ବିଜେଡ଼ି-ବିଜେପି ବିଜେପୁର ଲାଗି ପୁରୁଣା ପ୍ରାର୍ଥୀ କରିଥିବା ବେଳେ କଂଗ୍ରେସ ନୂଆ ପ୍ରାର୍ଥୀ ଦେଇଛି । ବିଜେଡ଼ି ରତୀ ସାହୁ, ବିଜେପି ସନତ ଗଡ଼ତିଆ ଓ କଂଗ୍ରେସର ଦିଲ୍ଲୀପ ପଣ୍ଡା ପ୍ରାର୍ଥୀ ହୋଇଛନ୍ତି । ପୁର୍ବରୁ କଂଗ୍ରେସର ଗଡ ଭାବରେ ପରିଚିତ ଥିବା ବିଜେପୁର ୨୦୧୮ ଉପ ନିର୍ବାଚନ ପରେ ବିଜେଡ଼ିର ଗଡ଼ ହୋଇଛି । ବିଜେପୁର ଭୋଟର ଗଲା ୨ଟି ନିର୍ବାଚନରେ ସେମାନଙ୍କର ପ୍ରଥମ ପସନ୍ଦ ବିଜେଡ଼ିକୁ ବାଛିଥିଲେ । ତେଣୁ ଏଥର ବିଜେପୁରବାସୀ କେଉଁ ଦଳ ମୁଣ୍ଡରେ ସୁନାକଳସ ଢାଳିବେ ତାହା ଉପରେ ସମସ୍ତଙ୍କ ନଜର ।
