Swadhina Kumar Sahu
ଆଙ୍କୁଶପୁର ଗଡ କୋଠଘର ଠାରେ ମହୁରି ମଣ୍ଡଳ ହଳଦିଆ ତୈଳିକ ବୈଶ୍ୟ ସମାଜର ରକ୍ତଦାନ ଶିବିର ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଏଥିରେ ତୈଳିକ ବୈଶ୍ୟ ସମାଜ ପକ୍ଷରୁ ଆସନ୍ତା ୨୦ ତାରିଖରେ ବ୍ରହ୍ମପୁର ପାଣିଗ୍ରାହି ପେଣ୍ଠ କାଳୀ ମନ୍ଦିର କଲ୍ୟାଣ ମଣ୍ଡପ ଠାରେ ଏକ ରକ୍ତଦାନ ଶିବିର ଆୟୋଜନ କରିବା ବିଷୟରେ ଆଲୋଚନା ହୋଇଥିଲା । ଏହା ସହ ସମାଜକୁ ସରକାରଙ୍କ ପକ୍ଷରୁ ସ୍ୱୀକୃତି ପ୍ରାପ୍ତ ଲାଭ କରିଥିବା ବିଷୟ ଆଲୋଚନା କରିବା ସହ ଏହାକୁ ଏକ ପ୍ରତିଷ୍ଠିତ ସମାଜ ଭାବେ ପରିଣତ କରିବା ପାଇଁ ସମସ୍ତେ ସଂକଳ୍ପ ନେଇଥିଲେ । ଉକ୍ତ କାର୍ଯ୍ୟକ୍ରମରେ କୀର୍ତ୍ତନ ସାହୁ ସଭାପତିତ୍ୱ କରୁଥିବା ବେଳେ ଉପ-ସଭାପତି ପର୍ଶୁରାମ ସାହୁ ଓ ସମ୍ପାଦକ ଗୋପିନାଥ ସାହୁ ସମସ୍ତ ବିବରଣୀ ପଠନ କରିଥିଲେ । ନାରାୟଣ ସାହୁ, ବସନ୍ତ ସାହୁ, ମଧୁ ସୂଦନ ସାହୁ, ରବିନ୍ଦ୍ର ପ୍ରଧାନ, କାଳୁ ଚରମ ସାହୁଙ୍କ ସମେତ ସମସ୍ତ ଅଞ୍ଚଳର ପ୍ରତିନିଧି ମାନେ ଯୋଗଦାନ କରିଥିଲେ ।
