ବାଲେଶ୍ୱର ଜିଲ୍ଲା ଜଳେଶ୍ୱର ଅଂଚଳର ଏକ ବଡ ଧରଣର ବ୍ରାଉନସୁଗାର କାରବାର ପଦାକୁ ଆସିଛି । ଚଢାଉ କରି କେତେ ଟଙ୍କାର ବ୍ରାଉନ ସୁଗାର ଜବତ ହୋଇଛି ଜାଣିଲେ ଆପଣଙ୍କର ହୋସ ଉଡିଯିବ । ଜବତ ହୋଇଥିବା ବ୍ରାଉନ ସୁଗାରର ମୂଲ୍ୟ ଏକ କୋଟିରୁ ଉର୍ଦ୍ଧ୍ଵ ହେବ ବୋଲି ଆକଳନ କରାଯାଇଛି । ଘଟଣାସ୍ଥଳରୁ ପ୍ରାୟ କୋଟିଏ ଟଙ୍କାର ବ୍ରାଉନସୁଗାର ଜବତ କରିଛି ପୋଲିସ । ତେବେ କେଉଁଠି ଓ କେମିତି ଜବତ ହେଲା, ଆସନ୍ତୁ ଘଟଣାର ସବିଶେଷ ବିବରଣୀ ଜାଣିବା ।ସୂଚନାନୁସାରେ, ଆଜି ବାଲେଶ୍ୱର ଅବକାରୀ ବିଭାଗ ଓ ଜଳେଶ୍ୱର ପୋଲିସକୁ ବ୍ରାଉନ ସୁଗାର ରାକେଟ୍ ବାବଦରେ ସୂଚନା ମିଳିଥିଲା । ଉଭୟ ଟିମ୍ ମିଳିତ ଭାବେ ଷ୍ଟେସନ ବଜାର ସ୍ଥିତ ମିଲ୍ ବାଡିରେ ଜଣଙ୍କ ଘରେ ଚଢାଉ କରିଥିଲେ । ସେଠାରେ ପ୍ରାୟ ୧କେଜିର ବ୍ରାଉନ ସୁଗାର ଥିବା ଦେଖିବାକୁ ମିଳିଥିଲା ।ଏହାକୁ ପୋଲିସ ଜବତ କରିଛି । ଏହି ବ୍ରାଉନସୁଗାରର ଆନୁମାନିକ ମୂଲ୍ୟ ପ୍ରାୟ ୧କୋଟି ଟଙ୍କା ହେବ ବୋଲି ଜଣାପଡିଛି । ଚଢାଉ ବେଳେ ପୋଲିସ ଜଣେ ବେପାରୀଙ୍କୁ ଗିରଫ କରିବା ସହ ତାଙ୍କ ଠାରୁ ଏକ ବନ୍ଧୁକ ମଧ୍ୟ ଜବତ କରିଛି ।