Kiran Behera
ଗଞ୍ଜାମ ଜିଲ୍ଲାର ଦିଗପହଣ୍ଡି ବ୍ଲକ ଅନ୍ତର୍ଗତ ପଦ୍ମନାଭପୁର ଗ୍ରାମର ଓଡ଼ିଆ ସାହିରେ ଲକ୍ଷ୍ମୀ ପୂଜା କମିଟି ପକ୍ଷରୁ ପ୍ରଥମ ଥର ପାଇଁ ପଣ୍ଡିତ ଭବାନୀ ଶଙ୍କର ତ୍ରୀପାଠୀଙ୍କ ତତ୍ତ୍ଵାବଧାନରେ ମାଁ ଗଜଲକ୍ଷ୍ମୀ ପୂଜା କାର୍ଯ୍ୟକ୍ରମ ଶୁଭାରମ୍ଭ ହୋଇଥିବା ଜଣାପଡିଛି । ଶୁକ୍ରବାର ଦିନ ଏହାର ଷଷ୍ଠ ଦିବସ ହୋଇଥିବା ବେଳେ ପଦ୍ମନାଭପୁର ଗ୍ରାମ ଚଳଚଞ୍ଚଳ ମଧ୍ୟ ଦେଖିବାକୁ ମିଳିଛି । ରବିବାର ଠାରୁ ଆରମ୍ଭ ହୋଇଥିବା ଭଗବତୀଙ୍କର ଏହି ପୂଜା କାର୍ଯ୍ୟକ୍ରମରେ ମାଁ ଙ୍କ ଦର୍ଶନ କରିବା ପାଇଁ ପ୍ରତ୍ୟେକ ଦିନ ପଦ୍ମନାଭପୁର ତଥା ଆଖପାଖ ଅଞ୍ଚଳର ଲୋକମାନଙ୍କ ମଧ୍ୟରେ ପ୍ରବଳ ଜନସମାଗମ ଦେଖିବାକୁ ମିଳିଥାଏ । ଏଥିସହ ପ୍ରତ୍ୟହ ସନ୍ଧ୍ୟା ସମୟରେ ମହାଆଳତି ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆସୁଥିବା ଦର୍ଶକ ମାନଙ୍କୁ ଆକର୍ଷିତ କରିଥାଏ । । ପଣ୍ଡିତ କାଳିଆ କାହ୍ନୁ ଦାସ , ପ୍ରକାଶ ରଥ , ଚନ୍ଦନ କୁମାର ଦାସ ପରିଚାଳନା କରିଥିବା ବେଳେ କର୍ତ୍ତା ଭାବେ ରୁଦ୍ରକେଶବ ପାଢ଼ୀ ଓ ସହଧର୍ମିଣୀ ବନିତା ପାଢ଼ୀ ଯୋଗ ଦେଇଥିଲେ । ଏହି ସମସ୍ତ କାର୍ଯ୍ୟକ୍ରମକୁ ପୂଜା କମିଟି ସଭାପତି ଭଗବାନ ସେଠୀ ସଂପାଦକ ଡି. ଦଣ୍ଡପାଣି ପାତ୍ର , କୋଷାଧ୍ୟକ୍ଷ ଏଲ୍. କୃଷ୍ଣ ପାତ୍ର , ଉପଦେଷ୍ଟା ଭାବେ ସରପଞ୍ଚ ବି. କ୍ରିଷ୍ଣାରାଓ ସୁବୁଦ୍ଧି , ସମିତି ସଭ୍ୟ ସୁଶାନ୍ତ ସେଠୀ , ସିଏଚ୍. ତ୍ରିପତୀ ସୁବୁଦ୍ଧି , ସିଏଚ୍. ଏଙ୍କେଟସ୍ ପୃଷ୍ଟି , ଏସ୍. ଟିଟୁ , ସିଏଚ୍. ଶଙ୍କର ସୁବୁଦ୍ଧି , ତ୍ରିନାଥ ସାହୁ , ପୂର୍ଣ୍ଣଚନ୍ଦ୍ର ସାହୁ , ତ୍ରିଲୋଚନ ଜାନୀ ପରିଚାଳନା କରୁଥିବା ବେଳେ ଗ୍ରାମବାସୀ ପୂର୍ଣ୍ଣ ସହଯୋଗ କରୁଥିବା ଦେଖାଯାଉଛି । ଏନେଇ ରବିବାର ଦିନ ମାଁ ପୂଜା ଉଦଯାପିତ ହେବ ବୋଲି ମୁଖ୍ୟ ଉପଦେଷ୍ଟା ବି. କ୍ରିଷ୍ଣାରାଓ ସୁବୁଦ୍ଧି ନିଜ ପ୍ରତିକ୍ରିୟାରେ କହିଥିବା ବେଳେ ଏହି ପୂଜା ପ୍ରତ୍ୟେକ ବର୍ଷ ମହାସମାରୋହରେ ପାଳିତ ହେବ ବୋଲି ସୂଚନା ଦେଇଛନ୍ତି ।
