Swadhina Kumar Sahu
ଗଞ୍ଜାମ ଜିଲ୍ଲା ଶେରଗଡ଼ ବ୍ଲକ ଅନ୍ତର୍ଗତ ବାଦଗଡ଼ ଗ୍ରାମ ଶିବ ମନ୍ଦିର ରାସ୍ତାରେ ସେହି ଗ୍ରାମର ବାବୁ ପ୍ରଧାନଙ୍କୁ କିଛି ଯୁବକ ସଂଘଗଦ୍ଧ ଭାବେ ଖଣ୍ଡାରେ ଆକ୍ରମଣ କରିଥିଲେ । ସୂଚନା ଅନୁସାରେ ବାବୁ ଦୀର୍ଘ ଦିନ ହେଲା କୌଣସି ଏକ ମାମଲାରେ ଜେଲରେ ଥିଲେ । ବର୍ତ୍ତମାନ ସେ ଜେଲରୁ ଫେରିବା ପରେ ନିଜ ଗ୍ରାମକୁ ନ ଆସି ଅନ୍ୟତ୍ର ରହୁଥିଲେ, ଗ୍ରାମରେ କୋଠିଶାଳ ଯାତ୍ରା ଚାଲିଥିବାରୁ ସେ ଏହାକୁ ଦେଖିବାକୁ ଗାଁକୁ ଆସୁଥିଲେ । ବାବୁ ଗ୍ରାମର ଶିବ ମନ୍ଦିର ରାସ୍ତା ଦେଇ ଯାଉଥିବା ବେଳେ ହଠାତ୍ କିଛି ଯୁବକ ଧାରୁଆ ଅସ୍ତ୍ରଶସ୍ତ୍ର ଧରି ତାଙ୍କୁ ଆକ୍ରମଣ କରିଥିଲେ, ଫଳରେ ବାବୁଙ୍କ ଦେହର ବିଭିନ୍ନ ସ୍ଥାନରେ ଗଭିର କ୍ଷତ ଦେଖାଦେଇଥିଲା ଓ ସେଠାରେ ସେ ଚେତାଶୂନ୍ୟ ହୋଇପଡିଥିଲେ । ଦୁର୍ବୁତ୍ତମାନେ ଉକ୍ତ ଜାଗାରୁ ପଲେଇଯିବା ପରେ ସ୍ଥାନୀୟ ଲୋକେ ବାବୁଙ୍କୁ ୧୦୮ ଯୋଗେ ପ୍ରଥମେ ଶେରଗଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନେଇଥିଲେ ସେଠାରେ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ଏମକେସିଜି ମେଡିକାଲକୁ ଅଣାଯାଇଥିଲା । ବ୍ରହ୍ମପୁର ବଡ ମେଡିକାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
