ଗଞ୍ଜାମ ଜିଲ୍ଲା ଭଂଜନଗର ଉପଖଣ୍ଡ ଦୁବ ଗ୍ରାମର ମତ୍ସ୍ୟ ଯାଆଁଳ କେନ୍ଦ୍ରରେ ମତ୍ସ୍ୟ ଯାଆଁଳ ଚାଷ ପାଇଁ ଉପଯୁକ୍ତ ଖାଦ୍ୟ ପ୍ରସ୍ତୁତି ଓ ପରିଚାଳନା ବିଷୟରେ ଏକ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଉପଖଣ୍ଡର ବିଭିନ୍ନ ବ୍ଳକର ୮୦ ରୁ ଅଧିକ ମାଛ ଚାଷୀ ଯୋଗ ଦେଇ ପ୍ରଶିକ୍ଷିତ ହୋଇଥିଲେ । ଅଧିବେଶନର ପ୍ରାରମ୍ଭରେ ସିଫା ଭୁବନେଶ୍ୱରର ପ୍ରଧାନ ବୈଜ୍ଞାନିକ ଡ. କୃଷ୍ଣଚନ୍ଦ୍ର ଦାସ ସିଫା ଦ୍ୱାରା ବିକଶିତ ହୋଇଥିବା କାର୍ପ ମାଛ ଯାଆଁଳ ମାନଙ୍କ ନିମନ୍ତେ ଏକ ବିଶେଷ ଖାଦ୍ୟ “ କାର୍ପ ପ୍ରାୟ ଫିଡ “ ର ଉପଯୋଗ ଓ ଉପକାରିତା ବିଷୟରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ସିଫାର ପ୍ରଧାନ ବୈଜ୍ଞାନିକ ତଥା ମତ୍ସ୍ୟ ପୋଷଣ ବିଭାଗର ମୁଖ୍ୟ ଡ. କେଦାରନାଥ ମହନ୍ତ , ପ୍ରଧାନ ବୈଜ୍ଞାନିକ ଡ. ପ୍ରିୟବ୍ରତ ସ୍ୱାଇଁ , ଜାତୀୟ ମତ୍ସ୍ୟ ଉନ୍ନୟନ ପରିଷଦଡ. ସୁରେଶ ଚନ୍ଦ୍ର ରଥ ,କୌଶଲ୍ୟାଗଙ୍ଗର ମୁଖ୍ୟ ଡ. ମାନସ ସିହ୍ନା ଏବଂ ଆବଜିପାରବର ହେଚେରୀର କନସଲଟାଣ୍ଟ ଡ. ଦିଲ୍ଲିପ କୁମାର ପ୍ରଧାନ ପ୍ରମୁଖ ମତ୍ସ୍ୟ ପୋଷଣ ଓ ମତ୍ସ୍ୟ ଅଭିବୃଦ୍ଧିର ବିଭିନ୍ନ ଦିଗ ଉପରେ ପ୍ରଶିକ୍ଷଣ ଦେଇଥିଲେ । ଏହି କାର୍ଯ୍ୟକ୍ରମରେ ମାଛ ଚାଷୀଙ୍କ ନିମନ୍ତେ ପ୍ରସ୍ତୁତ କରାଯାଇଥିବା ଏକ ପୁସ୍ତିକାକୁ ଉନ୍ମୋଚନ କରାଯାଇ ଚାଷୀମାନଙ୍କୁ ବିତରଣ କରାଯାଇଥିଲା ଏବଂ ମତ୍ସ୍ୟ ଖାଦ୍ୟ ପରିଚାଳନାର କ୍ଷେତ୍ର ପ୍ରଦର୍ଶନ ମଧ୍ୟ କରାଯାଇଥିଲା । କାର୍ଯ୍ୟକ୍ରମର ଶେଷରେ ସିଫାର ପ୍ରଧାନ ବୈଜ୍ଞାନିକ ଡ.ସୁରେଶ ଚନ୍ଦ୍ର ରଥ ଧନ୍ୟବାଦ ଅର୍ପଣ କରିଥିଲେ ଓ ଦୁବ ମତ୍ସ୍ୟ ଯାଆଁଳ କେନ୍ଦ୍ରର ନିର୍ଦ୍ଦେଶକ ସୁଶାନ୍ତ ପ୍ରଧାନ ଏପରି ଏକ ଅଭିନବ ପ୍ରଶିକ୍ଷଣ କାର୍ଯ୍ୟକ୍ରମ ତାଙ୍କ ଫାର୍ମରେ କରାଯାଇଥିବାରୁସିଫା ଭୁବନେଶ୍ୱର ଜାତୀୟ ମତ୍ସ୍ୟ ବିକାଶ ପରିଷଦ , ହାଇଦ୍ରାବାଦଙ୍କ ନିମନ୍ତେ କୃତଜ୍ଞତା ଜ୍ଞାପନ କରିଥିଲେ ।