Kiran Behera
ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଆଙ୍କୋରଡା ଗ୍ରାମର ଦୁଇ ବ୍ୟକ୍ତିଙ୍କ ମଧ୍ୟରେ ଚାଲିଥିବା ଝଗଡା ସମାଧାନ କରିବାକୁ ଯାଇଥିବା ଦେବ ନାଇକଙ୍କୁ ରୁନା ନାଇକ ନିସ୍ତୁକ ମାଡ଼ ମାରିଥିବାଅଭିଯୋଗ ହୋଇଛି।ଦେବଙ୍କ ସ୍ତ୍ରୀ ଜମ୍ଭୁ ଛଡ଼ାଇବାକୁ ଯିବାରୁ ତାଙ୍କୁ ରୁନା ନାଇକ ଅସଦାଚରଣ କରିଥିବା ସମ୍ପର୍କରେ ଜମ୍ଭୁ ବୁଧବାର ଏତଲା ଦେଇଥିଲେ। ଥାନା ମାମଲା ନଂ ୨୨୬/୧୯ ଦଫା ୨୯୪/୩୨୩/୩୪୧/୫୦୬/୩୫(ଖ) ଅନୁଯାୟୀ ଗୁରୁବାର ଅଭିଯୁକ୍ତଙ୍କୁଗିରଫ କରି ଅପରାହ୍ନରେ କୋର୍ଟଚାଲାଣ କରାଯାଇଥିଲା ।ଜାମିନ ନାମଞ୍ଜୁର ହେବାରୁ ଅଭିଯୁକ୍ତଙ୍କୁ ଦିଗପହଣ୍ଡି ସବ ଜେଲହାଜତକୁ ପଠାଇ ଦିଆଯାଇଛି। ବୁଧବାର ଗ୍ରାମର ରୁନା ଓ ତାଙ୍କ ପଡୋଶୀଙ୍କ ମଧ୍ୟରେ ଶୌଚାଳୟ ନିର୍ମାଣକୁ କେନ୍ଦ୍ରକରି ଝଗଡା କରୁଥିଲେ । ଦେବ ସେଠାରେ ପହଞ୍ଚି ଉଭୟଙ୍କୁ ବୁଝାସୁଝା କରୁଥିବା ବେଳେ ରୁନା ଏଥିରେ ଉତ୍ତେଜିତ ହୋଇ ଦେବଙ୍କୁ ଆକ୍ରମଣ କରିଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ଅପରପକ୍ଷରେ ଦେବ ଓ ତାଙ୍କ ସ୍ତ୍ରୀରୁନାଙ୍କୁ ଆକ୍ରମଣ କରିଥିବା ନେଇ ଥାନା ମାମଲା ନଂ ୨୨୭/୧୯ ଅନୁଯାୟୀ ପାଲଟା ମକଦ୍ଦମା ରୁଜ୍ଜୁ କରାଯାଇଥିବା ଜଣାପଡିଛି।
