ଗଞ୍ଜାମ ଜିଲ୍ଲା କୁକୁଡାଖଣ୍ଡି ସମବାୟ ସମ୍ମିତିର ମନମୁଖୀ କାର୍ଯ୍ୟ ବିରୁଦ୍ଧରେ ବ୍ରହ୍ମପୁର ଉପ-ଜିଲ୍ଲାପାଳଙ୍କ ଦ୍ବାରସ୍ତ ହୋଇଛନ୍ତି ବଉଳଝୋଳି ଗ୍ରାମର ଧାନଚାଷୀ । ଚାଷୀଙ୍କ ଠାରୁ ସମବାୟ ସମିତି ଧାନ ଖୁବଶୀଘ୍ର କିଣୁ ନଥିବା ବେଳେ ଧାନକୁ ସଂରକ୍ଷିତ ରଖିବା ନିମନ୍ତେ ସୁବିଧା ନାହିଁ, ଦିର୍ଘ ଦୁଇ ବର୍ଷ ହେଲା ଧାନ କୁଇଣ୍ଟାଲ ପିଚ୍ଛା ୮ରୁ୧୦ କିଲୋଗ୍ରାମ ଅଧିକ ନେଉଛନ୍ତି, ଚାଷୀକୁ ଧାନ ୧୫କି.ମି.ରୁ ଅଧିକ ଦୂରରେ ଥିବା ମିଲକୁ ନେଇ ଧାନ ଦେବାକୁ କହୁଛନ୍ତି ଯାହାରକି ଖର୍ଚ୍ଚ ମଧ୍ୟ ଚାଷୀ ନିଜେ ବହନ କରୁଛି ଏହା ସହ ଧାନ ଅଖା ବାବଦକୁ ସରକାରଙ୍କ ପକ୍ଷରୁ ଆସୁଥିବା ଟଙ୍କାକୁ ମଧ୍ୟ ଦିଆଯାଉ ନାହିଁ । ତେବେ ଏହି ବର୍ଷ ମଧ୍ୟ ତାହାର ପୁନରାବୃତି ନକରିବା ଓ ଚାଷୀକୁ ତାର ହକ ଦେବା ଦାବୀରେ ବଉଳଝୋଳି ଗ୍ରାମବାସୀ ଉପ-ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋବ ପ୍ରଦର୍ଶଣ କରିବା ସହ ଦାବୀପତ୍ର ପ୍ରଦାନ କରିଥିଲେ । ଉପ ଜିଲ୍ଲାପାଳ ଏନେଇ ଆଲୋଚନା କରିବା ସହ ଆଗାମୀ ଦିନରେ ଗ୍ରାମରେ ଏକ ବୈଠକ ଡାକିବା ସହ ସମସ୍ତ ଚାଷୀଙ୍କୁ ସଚେତନ କରାଯିବ ଓ ତାଙ୍କର ହକ ପ୍ରଦାନ କରାଯିବ ବୋଲି ପ୍ରତିଶ୍ରୂତି ଦେଇଛନ୍ତି ।