ଆଜି ଅଯୋଧ୍ୟା ମାମଲାରେ ସୁପ୍ରିମକୋର୍ଟଙ୍କ ରାୟକୁ ବିରୋଧ କରି ଦାୟର କରାଯାଇଥିବା ପୁନର୍ବିଚାର ଆବେଦନଗୁଡ଼ିକ ଉପରେ ସୁପ୍ରିମକୋର୍ଟରେ ଶୁଣାଣି ହେବ । ରାୟର ପୁନର୍ବିଚାର ନିମନ୍ତେ ମୁସ୍ଲିମ୍ ପକ୍ଷ ୭ଟି, ହିନ୍ଦୁ ମହାସଭା ପକ୍ଷରୁ ଗୋଟିଏ ଏବଂ ଅନ୍ୟ କେତେକ ବ୍ୟକ୍ତିଙ୍କ ପକ୍ଷରୁ ଆଉ କିଛି ପିଟିସନ ଦାୟର କରାଯାଇଥିଲା।ଆଜି ସୁପ୍ରିମକୋର୍ଟରେ ଏସମ୍ପର୍କିତ ୯ଟି ପିଟିସନର ଉପରେ ଶୁଣାଣି କରାଯିବ । ବିଚାରପତିଙ୍କ ଚାମ୍ବର ମଧ୍ୟରେ ସୁପ୍ରିମକୋର୍ଟର ୫ ଜଣିଆ ଖଣ୍ଡପୀଠ ପିଟିସନଗୁଡ଼ିକର ଶୁଣାଣି କରିବେ । ପୂର୍ବରୁ ସୁପ୍ରିମକୋର୍ଟ ଅଯୋଧ୍ୟା ବିବାଦ ମାମଲାରେ ଚୂଡାନ୍ତ ରାୟ ଦେଇ ସମ୍ପୂର୍ଣ୍ଣ ବିବାଦୀୟ ଭୂମିକୁ ରାମ ମନ୍ଦିର ନିର୍ମାଣ ନିମନ୍ତେ ହସ୍ତାନ୍ତର କରିବାକୁ କହିଥିଲେ।