ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ଅନ୍ତର୍ଗତ ଖମ୍ୱାରିଗାଁର ପ୍ରସିଦ୍ଧ ଶୈବପୀଠ ଉଜ୍ଜଳେଶ୍ୱର ମନ୍ଦିରରେ ଆୟୋଜିତ ହୋଇଥିବା ପହିଲି ଭୋଗ କାର୍ଯ୍ୟକ୍ରମରେ ଓଡିଶା ବିଧାନସଭା ବାଚସ୍ପତି ତଥା ସ୍ଥାନୀୟ ବିଧାୟକ ଡ. ସୂର୍ଯ୍ୟ ନାରାୟଣ ପାତ୍ର ଓ ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ଯୋଗଦେଇ ପ୍ରସାଦ ସେବନ କରି ଫେରିଥିବା ଜଣାପଡିଛି । ମନ୍ଦିର ପରିଚାଳନା କମିଟିର ଅନୁରୋଧ କ୍ରମେ ଶ୍ରୀ ପାତ୍ର ଓ ସାହୁ ସେଠାରେ ପହଞ୍ଚିବା ପରେ ଗ୍ରାମବାସୀ ଓ ମନ୍ଦିର କମିଟି ସଦସ୍ୟମାନେ ଉଭୟଙ୍କୁ ସମ୍ୱର୍ଦ୍ଧିତ କରିବା ସହ ପାଛୋଟି ନେଇ ରାମ ଓ ହନୁମାନ ମନ୍ଦିର ପରିଦର୍ଶନ କରାଇଥିଲେ । ବିଭିନ୍ନ ଦେବାଦେବୀଙ୍କ ଦର୍ଶନ ପରେ ସ୍ୱତନ୍ତ୍ର ଭାବେ ପ୍ରସ୍ତୁତ ପହିଲି ଭୋଗ ସେବନ କରିଥିଲେ । ଏହି ଅବସରରେ ଉପସ୍ଥିତ ଥିବା ବିଭିନ୍ନ ପଞ୍ଚାୟତର ନିର୍ବାଚିତ ପ୍ରତିନିଧିଗଣ ନିଜ ନିଜ ଅଞ୍ଚଳର ସମସ୍ୟା ସମ୍ପର୍କରେ ଆଲୋଚନା କରିଥିଲେ । ବାଚସ୍ପତିଙ୍କ ଏହି ଗସ୍ତ ସମୟରେ ମନ୍ଦିର ପରିଚାଳନା କମିଟି ସଭାପତି ବିଜୟ କୁମାର ପାଣିଗ୍ରାହୀ , ସଂପାଦକ ରାଜେନ୍ଦ୍ର ପ୍ରସାଦ ପାଠୀ , ସ୍ଥାନୀୟ ବ୍ଳକ ଅଧ୍ୟକ୍ଷ ବିପିନ ଚନ୍ଦ୍ର ପ୍ରଧାନ , ସରପଞ୍ଚ ସଂଘ ସଭାପତି କେ . ହରିବନ୍ଧୁ ରେଡ୍ଡୀ , ବ୍ଳକ ସଭାପତି ଉଦୟନାଥ ସ୍ୱାଇଁ , ନଗର ସଭାପତି ପ୍ରମୋଦ କୁମାର ପାଣିଗ୍ରାହୀ , ଭି . ରବିନାରାୟଣ ରାଜୁ , ସରପଞ୍ଚ ବିଭୂତି ଭୂଷଣ ମହାପାତ୍ର , ବି . କ୍ରିଷ୍ଣାରାଓ ସୁବୁଦ୍ଧି , ହୃଦୟ ରଞ୍ଜନ ମେକାପ , ରଞ୍ଜନ କୁମାର ପାଣିଗ୍ରାହୀ , ଭୀମସେନ ସାହୁ , ମନୋଜ କୁମାର ସାହୁ ,ଚିତ୍ରସେନ ଗୌଡ , ଭଗବାନ ବାଡତ୍ୟା ,ରାଧାକାନ୍ତ ମହାଙ୍କୁଡ , ପିତାମ୍ୱର ଗୌଡ ପ୍ରମୁଖ ଯୋଗ ଦେଇଥିଲେ ।