ଗଞ୍ଜାମ ଜିଲ୍ଲା ଦିଗପହଣ୍ଡି ଚାଙ୍ଗୁଡିଦେବୀ ପାହାଡ ନିକଟରେ ସନ୍ଥ ନିରାକାରୀ ମିଶନ ପକ୍ଷରୁ ୨୪ ତମ ଜିଲ୍ଲାସ୍ତରୀୟ ନିରାକାରୀ ସତସଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମିଶନ କମିଟିର ଆବାହକ ଏନ୍ . ରଘୁନାଥଙ୍କ ସଂଯୋଜନାରେ ଆୟୋଜିତ ସତସଙ୍ଗ କାର୍ଯ୍ୟକ୍ରମରେ ସୁଦୂର ଦିଲ୍ଲୀରୁ ଆସିଥିବା କେନ୍ଦ୍ରୀୟ ପ୍ରଚାରକ ସନ୍ଥଶ୍ରୀ ଗଜେନ୍ଦ୍ର କୁମାର ଦ୍ବିବେଦୀ ଗୁରୁ ଆସନ ଗ୍ରହଣ କରିବା ପରେ ମାନବ ସେବା ହିଁ ଈଶ୍ୱର ସେବା ବୋଲି କହିଥିଲେ । ଏହି ଅବସରରେ ସମାଜରେ ମନୁଷ୍ୟ ସୁଖଶାନ୍ତିର ଉପାଦାନ ମନେ କରି ମନୁଷ୍ୟ ବିପୁଳ ଧନସମ୍ପଦର ଅଧିକାରୀ ହୋଇବା ପରେ ଲାଳସା କରିଥାନ୍ତି । ଏହାକୁ ପରିତ୍ୟାଗ ନକଲେ ପରମାନନ୍ଦ ପ୍ରାପ୍ତ କରିବା ପରିବର୍ତ୍ତେ ମାୟାଜାଲରେ ଛନ୍ଦି ହୋଇ ଦୁଃଖକୁ ଆଦରିଥାନ୍ତି । ଜାତି , ଧର୍ମ ଓ ସମ୍ପ୍ରଦାୟ ନିର୍ବିଶେଷରେ ସମସ୍ତେ ଭାତୃଭାବ ପ୍ରତିଷ୍ଠା ପାଇଁ ଅହିଂସା , ସତ୍ୟ, ପ୍ରେମ ଓ ଆଧ୍ୟାତ୍ମିକ ଚେତନା ଭଳି ଆଦର୍ଶ ମାର୍ଗରେ ପରିଚାଳିତ ହେବାକୁ ମଧ୍ୟ ସେ ପରାମର୍ଶ ଦେଇଥିଲେ। ବ୍ରହ୍ମତତ୍ତ୍ବ ଦର୍ଶନ କରି ମାନବ ଏକତ୍ବ ଓ ପ୍ରେମ ପ୍ରତିଷ୍ଠା ପାଇଁ ଆଲୋଚନା କରିଥିଲେ । ଏହି ମିଶନରେ ସ୍ଥାନୀୟ ତହସିଲଦାର ଅଦୈତ୍ୟ କୁମାର ସ୍ବାଇଁ , କମିଟି ସଭାପତି ଆର୍. ଧନୁଜୀ , ସଂପାଦକ ଡି. ସନାତନ ଦୋରା , କୋଷାଧ୍ୟକ୍ଷ ଆର୍ . ଭଗବାନ ଯୋଗ ଦେଇଥିଲେ । ଏଥିସହ ଡି. ଆଦିକନ୍ଦ , କୈଳାସ ରେଡ୍ଡୀ , ଡମ୍ବରୁ ସେଠୀ , ସିମାଞ୍ଚଳ ରାଉଳ , ବିଜୟ ରେଡ୍ଡୀ , ଏମ୍ . ପ୍ରକାଶ , ଟି. ହରିଶ୍ଚନ୍ଦ୍ର , ଟି . ନାଗେଶ୍ଵର , ଆର୍ . ଦୀନବନ୍ଧୁ , ତ୍ରିଲୋଚନ ସାହୁ , ବିନୋଦ ସାହୁ , ଡି. ନରସିଂହ , ଭାସ୍କର ରେଡ୍ଡୀ ପ୍ରମୁଖ ସହ ସେବାଦଳ ଭାଇଭଉଣୀ ଓ ବିଭିନ୍ନ ଶାଖାର ସଭ୍ୟ ପରିଚାଳନା କରିବାରେ ସହାୟତା ପ୍ରଦାନ କରିଥିଲେ । ଏଥିରେ ୧୦ ହଜାରରୁ ଉର୍ଦ୍ଧ୍ବ ସନ୍ଥ ଯୋଗ ଦେଇଥିଲେ ।