ଦିଗପହଣ୍ଡି ବ୍ଲକ ଜକର ଗ୍ରାମର ଗୋପୀନାଥ ମହାନ୍ତି ତାଙ୍କ ପତ୍ନୀ ଶିବାନୀଙ୍କୁ ନିସ୍ତୁକ ମାଡ଼ ମାରି ଲହୁଲୁହାଣ କରିଥିବା ଅଭିଯୋଗରେ କେ. ନୂଆଗାଁ ପୋଲିସ ସ୍ବାମୀ ଗୋପୀନାଥଙ୍କୁ ଗିରଫ କରିଥିବା ଜଣାପଡିଛି । ଖବରପ୍ରକାରେ , ଗୋପୀନାଥ ତାଙ୍କ ସ୍ତ୍ରୀ ଶିବାନୀଙ୍କୁ ବୁଧବାର ରାତିରେ ନିଶାସକ୍ତ ଅବସ୍ଥାରେ ନିର୍ଦ୍ଧୁମ ମାଡ଼ ମାରିଥିଲେ । ଏନେଇ ଶିବାନୀ କେ.ନୂଆଗାଁ ଥାନାରେ ଏକ ଲିଖିତ ଅବିଯୋଗ କରିଥିଲେ । ଶିବାନୀଙ୍କ ଏତଲାକୁ ଭିତ୍ତି କରି ଥାନା ମାମଲା ନଂ ୧୮/୨୦ ଦଫା - ୩୨୩/୫୦୬/୪୯୮(କ) ଅନୁଯାୟୀ ଅଭିଯୁକ୍ତ ସ୍ଵାମୀଙ୍କ ବିରୋଧରେ ପୋଲିସ ମକଦ୍ଦମା ରୁଜୁ କରି ତଦନ୍ତ ଚଳାଇଛି। ଗତ କିଛିଦିନ ହେଲା ଗୋପୀନାଥ ତାଙ୍କ ସ୍ତ୍ରୀଙ୍କୁ ଅକଥନୀୟ ମାନସିକ ଓ ଶାରୀରିକ ନିର୍ଯ୍ୟାତନା ଦେବା ସହ ବିଭିନ୍ନ ସମୟରେ ମାଡ଼ ମାରି ଆସୁଥିବା ତଦନ୍ତକାରୀ ପୋଲିସ ଅଧିକାରୀ ଏସ ଆଇ ଜ୍ଞାନରଞ୍ଜନ ସେଠୀ ଜଣାଇଛନ୍ତି।