ଗଞ୍ଜାମ ଜିଲ୍ଲା ଦିଗପହଣ୍ଡି ତାଲୁକା ଆଇନ ସେବା କମିଟି ପକ୍ଷରୁ ରବିବାର ଦିନ ଦିଗପହଣ୍ଡି ଖେମୁଣ୍ଡି ଓକିଲ ସଂଘ କାର୍ଯ୍ୟାଳୟ ପରିସରରେ ମହା ସମାରୋହରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି । ସେବା କମିଟି ଅଧ୍ୟକ୍ଷ ତଥା ଦିଗପହଣ୍ଡି ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ସଞ୍ଜୟ କୁମାର ଶୁଭବ୍ରତ ଆଚାର୍ଯ୍ୟ ଅଧ୍ୟକ୍ଷତା କରିଥିଲେ । ଆୟୋଜିତ ଦିବସରେ କନ୍ୟାଭୃଣ ହତ୍ୟା , ଲିଙ୍ଗ ନିରୁପଣ ,ନିରୋଧ ଆଇନ ସମ୍ପର୍କରେ ଉପସ୍ଥିତ ମହିଳା ମାନଙ୍କୁ ମାଜିଷ୍ଟ୍ରେଟ ସଚେତନ କରାଇଥିଲେ । ଏଥିସହ ବରିଷ୍ଠ ଆଇନଜୀବି ପ୍ରଭାକର ରାଉତ , ସନ୍ତୋଷ କୁମାର ସାହୁ , ବିଜୟ କୁମାର ପ୍ରଧାନ , ସତ୍ୟ ନାରାୟଣ ରଥ , ରସାନନ୍ଦ ରାଉତ ପ୍ରମୁଖ ଉପସ୍ଥିତ ରହି ମହିଳା ଦିବସର ଆଭିମୁଖ୍ୟ ସମ୍ପର୍କରେ ଆଲୋଚନା କରିଥିଲେ । ଶେଷରେ ଆଇନ ସେବା କମିଟି ସଂପାଦକ ନୃସିଂହ ପ୍ରସାଦ ଦାସ ଧନ୍ୟବାଦ ଅର୍ପଣ କରିଥିଲେ । ଏହି ଦିବସରେ ଅନ୍ୟ ମାନଙ୍କ ମଧ୍ୟରେ ଓକିଲ ସଂଘର ସମସ୍ତ ଓକିଲ , ଏନଏସି କର୍ମଚାରୀ ଓ ସାଧନା ମହିଳା ସଂଘ ସଭାନେତ୍ରୀ ପି . ବିଜୟଲକ୍ଷ୍ମୀ ଉପସ୍ଥିତ ରହିଥିଲେ ।