Swadhina Kumar Sahu
ଗୋପାଳପୁର ବେଳାଭୂମି ପରିସରରୁ ବୁଧବାର ଜଣେ ମତ୍ସ୍ୟଜୀବୀଙ୍କ ମୃତଦେହ ଉଦ୍ଧାର କରାଯାଇଛି। ମୃତ ମତ୍ସ୍ୟଜୀବି ଜଣଙ୍କ ଗୋପାଳପୁର ଏନଏସି ଅନ୍ତର୍ଗତ ଓ୍ବାଡ ନଂ ୨ ଅଧିନସ୍ଥ ସତ୍ୟ ସାଇବାବା ସାହିର ଜି. ପଲେୟା(୬୫) ବୋଲି ଜଣାପଡିଛି ।ସୂଚନା ଅନୁଯାୟୀ, କେତକ ସତ୍ସଜୀବୀ ବେଳାଭୂମିରେ ଥିବା ସେମାନଙ୍କ ଡଙ୍ଗା ଓ ଜାଲ ଗୁଡ଼ିକର ତଦାରଖ ପାଇଁ ମହୋତ୍ସବ ମଣ୍ଡପ ସନ୍ନିକଟ ବେଳାଭୂମିକୁ ଯାଇଥିଲେ। ଏହିଜ ସମୟରେ ଦେଶରେ ଜାରୀ କରାଯାଇଥିବା ଲକ ଡାଉନକୁ କଡାକଡି ପାଳନ ପାଇଁ ଗୋପାଳପୁର ଥାନର କେତେକ କର୍ମଚାରୀ ପାଟ୍ରୋଲିଂ କରୁଥିଲେ। ବେଳାଭୂମି ଅଞ୍ଚଳରେ ଲୋକଙ୍କ ଭିଡ ଦେଖି ସେମାନଙ୍କୁ ସେଠାରୁ ଘଉଡାଇ ଥିଲେ। ଏଥିରେ ବେଳାଭୂମିରେ ଅନ୍ୟ ମତ୍ସ୍ୟଜୀବୀଙ୍କ ସହ ପଲେୟା ମଧ୍ୟ ଉପସ୍ଥିତ ରହିଥିଲେ। ପୁଲିସ ପକ୍ଷରୁ ଭିଡ଼କୁ ଘଉଡାଇବା ସମୟରେ ପଲେୟା ମଧ୍ୟ ଦୌଡିଥିବା ଅନ୍ୟ ମତ୍ସ୍ୟଜୀବୀ ମାନେ ପ୍ରକାଶ କରିଛନ୍ତି । କିନ୍ତୁ ଦୀର୍ଘ ସମୟ ପର୍ଯ୍ୟନ୍ତ ପଲେୟା ଦେଖା ନ ଯିବାରୁ କେତେକ ମତ୍ସ୍ୟଜୀବୀ ବେଳାଭୂମିରେ ଖୋଜା ଖୋଜି କରିବା ବେଳେ ପଲେୟାଙ୍କ ମୃତ ଦେହ ବେଳାଭୂମିରେ ପଡ଼ିଥିବା ଦେଖିଥିଲେ , ମୁତ୍ୟୁର କାରଣ ଜଣା ପଡି ନାହିଁ ।
