କରୋନା ସାଧାରଣ ଜନଜୀବନକୁ ଅସ୍ତବ୍ୟସ୍ତ କରି ସାରିଲାଣି । ସମୂହ ସଂକ୍ରମଣ ଭୟରେ ଦେବପୀଠଗୁଡ଼ିକରେ କଟକଣା ଜାରି କରାଯାଇଛି । ଏପରି ସ୍ଥିତିରେ ଚଳିତ ବର୍ଷ ପ୍ରସିଦ୍ଧ ଦଣ୍ଡ ଯାତ୍ରା ଉପରେ କଟକଣା ଲଗାଇଛି ଗଞ୍ଜାମ ଜିଲା ପ୍ରଶାସନ । ଆସନ୍ତାକାଲି ମହା ବିଷୁବ ସଂକ୍ରାନ୍ତିରେ ଦଣ୍ଡଯାତ୍ରା ହେବାର ପରମ୍ପରା ରହିଛି । କେତେକ ସ୍ଥାନରେ ଦଣ୍ଡ ମେଲଣ ଆୟୋଜନ କରାଯାଇଥାଏ । ସେହିପରି ପୂର୍ବ ପ୍ରଚଳିତ ପରମ୍ପରା ଅନୁସାରେ ମହାବିଷୁବ ସଂକ୍ରାନ୍ତିରେ ଦଣ୍ଡୁଆମାନେ ୧୩ ଦିନ ନୀତି ପାଳନ କରି ମୁଖ୍ୟପାଟୁଆ (ପାଟଭୁକ୍ତା)ଙ୍କୁ ମେରୁଖୁଣ୍ଟରେ ଅଗ୍ନିରେ ଝୁଲାଇ ଥାଆନ୍ତି ।ମାତ୍ର ଲକ୍ଡ଼ାଉନ ଯୋଗୁଁ ଏ ସବୁକୁ ବନ୍ଦ ରଖିବାକୁ ଏବଂ ସାଙ୍କେତିକ ଭାବରେ ମନ୍ଦିରରେ ଭୋଗରାଗ କରିବାକୁ ପ୍ରଶାସନ ପରାମର୍ଶ ଦେଇଛି ।