ଖରାଦିନ ଆରମ୍ଭ ହେଲା ସାରା ବିଶ୍ୱରେ ରକ୍ତ ଅଭାବ ଦେଖା ଦେଇଥାଏ, ରକ୍ତ ଭଣ୍ଡାର ଗୁଡିକରେ ମଧ୍ୟ ରକ୍ତ ମିଳେ ନାହିଁ । ଏହି ସମୟରେ ବୋଝ ଉପରେ ଲଳିତା ବିଡା ପରି ଦାଉ ସାଜିଛି କୋରୋନା ଭାଇରସ, ଏବଂ ରୋଗୀଙ୍କ ସଂପର୍କୀୟ ରକ୍ତ ପାଇଁ ନାହିଁ ନଥିବା ହଇରାଣ ହରକତ ହେଉଛନ୍ତି । ଏହି ସମୟରେ ସେମାନଙ୍କୁ ସାହର୍ଯ୍ୟର ହାତ ବଢାଇଛନ୍ତି ଗଞ୍ଜାମ ଜିଲ୍ଲା କବିସୂର୍ଯ୍ୟ ନଗର ଅଞ୍ଚଳର କିଛି ଯୁବ ଗୋଷ୍ଠି , ୱାର୍ଟସଆପ ଗ୍ରୁପ ଜରିଆରେ ବିଭିନ୍ନ ରୋଗୀଙ୍କୁ ସହାୟତାର ହାତ ବଢାଇଛନ୍ତି । କିଛି ଦିନ ହେବ ସେହି ଅଞ୍ଚଳର ଜଣେ ୫୪ ବର୍ଷିୟ କାଶିନାଥ ପ୍ରଧାନ କିଡନି ଜନିତ ରୋଗରେ ବ୍ରହ୍ମପୁର ଏମକେସିଜି ମେଡିକାଲରେ ଚିକିତ୍ସିତ ହେଉଥିବା ବେଳେ ତାଙ୍କୁ ପୂର୍ବରୁ ସୁମନ୍ତ ଚର୍ଚ୍ଚିଙ୍କ ନେତୃତ୍ୱରେ ଜଣେ ରକ୍ତଦାନ କରିଥିଲେ । ପୁଣିଥରେ ଆଉ ଏକ ରକ୍ତ ଦରକାର ପଡିବାରୁ ସେହି ଅଞ୍ଚଳର ଅନ୍ୟ ଜଣେ ଯୁବକ ନିହାର ପ୍ରସାଦ ପାତ୍ର (୨୧) ଆସି ବ୍ରହ୍ମପୁରଲ ରକ୍ତ ଭଣ୍ଡାରରେ ରକ୍ତ ଦାନ କରିଥିଲେ । ବର୍ତ୍ତମାନର ପରିସ୍ଥିତିରେ ରକ୍ତ ଅଭାବକୁ ଦୂର କରିବାରେ ପ୍ରମୁଖ ଭୂମିକା ଗ୍ରହଣ କରିଛି ସାମାଜିକ ଗଣମାଧ୍ୟମ ।