ସାରା ରାଜ୍ୟରେ ଏବେ କରୋନା ବିଭୀଷିକା ନିଜର ବିସ୍ତାର କରିଥିବା ସମୟରେ ରାଜ୍ଯ ତଥା ଜିଲ୍ଲା ଗୁଡିକର ପ୍ରଶାସନିକ ଅଧିକାରୀ ମାନେ ରାତିଦିନ ଏକ କରି ଜନସାଧାରଣଙ୍କ ସୁରକ୍ଷା ନିମନ୍ତେ ନିଜର କର୍ତ୍ତବ୍ୟ କରି ଆସୁଛନ୍ତି । ଏହି ପରିପ୍ରେକ୍ଷୀରେ ଗୁରୁବାର ଦିନ ପୂର୍ବାହ୍ନରେ ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ପଦ୍ମନାଭପୁର ଗ୍ରାମରେ ସଚେତନ କରାଇବା ନିମନ୍ତେ ଚିକିଟି ଏସଡିପିଓ ସୁରେନ୍ଦ୍ରନାଥ ମୁର୍ମୁ , ଦିଗପହଣ୍ଡି ଥାନା ଅଧିକାରୀ ବସନ୍ତ କୁମାର ସେଠୀ , ତହସିଲଦାର ଅଦୈତ୍ୟ କୁମାର ସ୍ବାଇଁ , କାର୍ଯ୍ୟନିର୍ବାହୀ ଅଧିକାରୀ ପ୍ରଫୁଲ୍ଲ ଚନ୍ଦ୍ର ଡାକୁଆ ଗ୍ରାମରେ ପହଞ୍ଚିବା ପରେ ଗ୍ରାମର ମହିଳା ଓ ପୁରୁଷମାନେ ନିଜ ଘର ବାରଣ୍ଡାରେ ରହି ସ୍ବାଗତ ଜଣାଇବା ସହ ପୁଷ୍ପଦେଇ ସମ୍ବର୍ଦ୍ଧିତ କରିଥିଲେ ।
ସରପଞ୍ଚ ବି କ୍ରିଷ୍ଣା ରାଓ ସୁବୁଦ୍ଧିଙ୍କ ନେତୃତ୍ବରେ ସମିତି ସଭ୍ୟ ସୁଶାନ୍ତ ସେଠୀ କିଛି ବୟୋଜ୍ୟେଷ୍ଠ ବ୍ୟକ୍ତି ଉପସ୍ଥିତ ରହିଥିଲେ । ଏଥିସହ ଚୈତନପୁର ଗ୍ରାମରେ ନିର୍ମାଣ ଶ୍ରମିକଙ୍କୁ ୧୫୦୦ ଟଙ୍କାର ସହାୟତା ରାଶି ପ୍ରଦାନ କରାଯାଇଥିବା ଜଣାପଡ଼ିଛି ।