BHAGYAPRABHA NEWS
ଗତକାଲି ବାଲେଶ୍ୱରରୁ ପ୍ରଥମ କରୋନା ପଜେଟିଭ ଚିହ୍ନଟ ହେବା ପରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୬୧ରେ ପହଞ୍ଚିଛି । ବାଲେଶ୍ୱରରୁ ପଜିଟିଭ ଚିହ୍ନଟ ହେବା ପରେ ସହରର କିଛି ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଘୋଷଣା କରିଛି ଜିଲ୍ଲା ପ୍ରଶାସନ। ଏଥିଲାଗି ୩ଟି ୱାର୍ଡର ୯ଟି ପ୍ରବେଶ ପଥକୁ ଜିଲ୍ଲା ପ୍ରଶାସନ ସିଲ୍ କରିଥିବା ଜଣାଯାଇଛି। ସୁଚନାନୁସାରେ , ଆକ୍ରାନ୍ତଜଣକ ନିଳିଆବାଗ ଅଞ୍ଚଳର ହୋଇଥିବାରୁ ଉକ୍ତ ଅଞ୍ଚଳର ପ୍ରବେଶ ଓ ପ୍ରସ୍ଥାନ ପଥକୁ ସିଲ୍ କରିଛି ପୋଲିସ । ଏହା ସହ ଚିଡିଆପୋଲ ନିକଟରୁ ରାଣୀପାଟଣା ଛକ ଏବଂ ଶ୍ରୀନିକ୍ସ କଲେଜ ନିକଟସ୍ଥ ମହାନାଳ ଯାଏ ସିଲ୍ କରାଯାଇଛି ।ଲୋକେ ଘରୁ ନ ବାହାରିବାକୁ ଏନେଇ ମାଇକ୍ ଯୋଗେ ପ୍ରଚାର କରାଯାଉଛି। ସଂପୃକ୍ତ ଅଞ୍ଚଳରୁ କରୋନା ପଜିଟିଭ ବାହାରିବା ପରେ ପ୍ରଶାସନ ପକ୍ଷରୁ ଏହି ପଦକ୍ଷେପ ନିଆଯାଇଛି ।
