ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ ଅନ୍ତର୍ଗତ ବି . ତୁରୁବୁଡି ପଞ୍ଚାୟତର ପୂର୍ବତନ ସରପଞ୍ଚଙ୍କ ନାମରେ ଆବାସ ଯୋଜନାରେ ଦୁର୍ନୀତି ଅଭିଯୋଗ ହୋଇଥିବା ଜଣାପଡିଛି । ଖବରପ୍ରକାରେ , ପଞ୍ଚାୟତର ପୂର୍ବତନ ସରପଞ୍ଚ ଭାବେ ସ୍ବାମୀ କେ . ସଞ୍ଜୀବ ରେଡ୍ଡୀ ଓ ତାଙ୍କ ସ୍ତ୍ରୀ ମହିଳା ସରପଞ୍ଚ କେ. ଉର୍ବଶୀ ରେଡ୍ଡୀ ନିର୍ବାଚିତ ହୋଇଥିଲେ । ଗ୍ରାମର କିଛି ଲୋକଙ୍କ କହିବାନୁଯାୟୀ , ପୂର୍ବତନ ସରପଞ୍ଚ ଶ୍ରୀ ରେଡ୍ଡୀଙ୍କ ବି . ତୁରୁବୁଡି ସାଲିଆ ସାହିରେ ନିଜ ଦୁଇ ମୋହଲା କୋଠାଘର ଥିବା ସତ୍ତ୍ବେ ତାଙ୍କ ସ୍ତ୍ରୀ ଶ୍ରୀମତୀ କେ. ଉର୍ବଶୀ ରେଡ୍ଡୀଙ୍କ ନାମକୁ ହିତାଧିକାରୀ ତାଲିକାରେ ଅନ୍ତର୍ଭୁକ୍ତ କରାଯାଇଛି । ଏନେଇ ବ୍ଲକ୍ ତରଫରୁ ପ୍ରକାଶିତ ଆବାସ ଯୋଜନା ତାଲିକାର କ୍ରମିକ ନଂ ୧୧୪ ରେ ଉକ୍ତ ମହିଳାଙ୍କ ନାମ ରହିଥିବା ନେଇ ଗ୍ରାମରେ ଉଦବେଗ ପ୍ରକାଶ ପାଇଥିବା ଜଣାପଡିଛି ।