କରୋନା ସଂକ୍ରମଣ ବୃଦ୍ଧି କାରଣରୁ ଦେଶରେ ଜାରି ଲକ୍ଡାଉନ୍ ଅବଧିକୁ କେନ୍ଦ୍ର ଗୃହ ମନ୍ତ୍ରଣାଳୟ ମେ ୧୭ ପର୍ଯ୍ୟନ୍ତ ବୃଦ୍ଧି କରିଛନ୍ତି। ଏହାକୁ ନେଇ ଗାଇଡ୍ ଲାଇନ୍ ମଧ୍ୟ ଗତକାଲି ଜାରି କରିଥିଲେ। କିଛି କହୋଳ ସହିତ ତିନି ଜୋନ୍ ରେଡ୍, ଅରେଞ୍ଜ ଓ ଗ୍ରୀନକୁ ନେଇ ଅଲଗା ଅଲଗା ନିର୍ଦ୍ଦେଶାନାମା ଜାରି କରିଥିଲେ। ଆଜି ରାଜ୍ୟ ସରକାର ଗାଇଡ୍ ଲାଇନ୍ ଜାରି କରିଛନ୍ତି। ରାଜ୍ୟ ସରକାରଙ୍କ ଦ୍ଵାରା ଜାରି ନୂତନ ଗାଇଡ୍ ଲାଇନ୍ ଅନୁଯାୟୀ ରାଜ୍ୟର ସମସ୍ତ ତିନୋଟି ରେଡ୍ ଜୋନ, ଗ୍ରୀନ ଜୋନ୍ ଓ ଅରେଞ୍ଜ ଜୋନ୍ରେ ମଦ ଦୋକାନ ଖୋଲିବ।ସୂଚନା ଅନୁଯାୟୀ କେନ୍ଦ୍ର ଗତକାଲି ଗାଇଡ୍ ଲାଇନ୍ ଜାରି କରିଥିଲା। ସମସ୍ତ ଜୋନରେ ମଦ ଦୋକାନ ଖୋଲିବାକୁ ଅନୁମତି ଦେଇଥିଲେ। ସେହି ପରି ଆଜି ରାଜ୍ୟ ସରକାରଙ୍କ ପକ୍ଷରୁ ଜାରି ଗାଇଡ୍ ଲାଇନ୍ରେ ସମସ୍ତ ଜୋନ୍ରେ ମଦ ଦୋକାନ ଖୋଲିବାକୁ ଅନୁମତି ଦିଆଯାଇଛି। କିନ୍ତୁ ନିୟମ ମାନିବା ବାଧ୍ୟତାମୂଳକ କରାଯାଇଛି। ଦୋକାନକୁ ଏହା ସୁନିଶ୍ଚିତ କରିବାକୁ ପଡିବ ଯେ, ଗ୍ରାହକଙ୍କ ମଧ୍ୟରେ ଅତି କମରେ ଛଅ ଫୁଟ୍ ବା ଦୁଇ ଗଜ୍ ଦୂରତା ରହିବା ଉଚିତ୍ ଏବଂ ଦୋକାନ ବାହାରେ ଏକକାଳୀନ ୫ ଜଣରୁ ଅଧିକ ଲୋକ ଗ୍ରାହକ ରହିବା ଉଚିତ୍ ନୁହେଁ।କିନ୍ତୁ ରେଡ୍ ଓ ଅରେଞ୍ଜ ଜୋନ୍ରେ ସେଲୁନ ଦୋକାନ, ବିୟୁଟ୍ ପାର୍ଲର ଦୋକାନ ଖୋଲିବ ନାହିଁ।