କୋଭିଡ-୧୯ ଲକ୍ ଡାଉନ ପରିପ୍ରେକ୍ଷୀରେ ଓକିଲ ସଂଘ ଗୁଡିକର ହେବାକୁ ଥିବା ଏକକାଳୀନ ନିର୍ବାଚନକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବାତିଲ କରାଯାଇଥିବା ବେଳେ ରାଜ୍ୟ ଆଇନଜୀବୀ ପରିଷଦ ପକ୍ଷରୁ ନିର୍ଦ୍ଧାରିତ ନିୟମାନୁସାରେ ଶନିବାର ଖେମୁଣ୍ଡି ଓକିଲ ସଂଘର କାର୍ଯ୍ୟକାରୀ କମିଟି ବୈଠକ ଅନୁଷ୍ଠିତ ହୋଇଯାଇଛି।ନିର୍ବାଚନ ଅଧିକାରୀ ତଥା ବରିଷ୍ଠ ଆଇନଜୀବୀ ପ୍ରଭାକର ରାଉତଙ୍କ ଆବାହକତ୍ଵରେ ଅନୁଷ୍ଠିତ ଏହି ବୈଠକରେ ଆଇନଜୀବୀ ପରିଷଦର ନିର୍ଦ୍ଦେଶିତ ନିୟମ ପ୍ରକାରେ ତିନି ଜଣିଆ ପରିଚାଳନା କମିଟି ଚୟନ କରାଯାଇଥିଲା।ବରିଷ୍ଠ ଆଇନଜୀବୀ ରସାନନ୍ଦ ରାଉତଙ୍କୁ ସର୍ବସମ୍ମତ ଭାବେ କମିଟିର ଅଧ୍ୟକ୍ଷ ମନୋନୀତ କରାଯାଇଥିବା ବେଳେ ଆଇନଜୀବୀ ହରପ୍ରସାଦ ରଥ ଏବଂ ହେମନ୍ତ କୁମାର ପାଣିଗ୍ରାହୀଙ୍କୁ କମିଟି ସଭ୍ୟ ଭାବେ ମନୋନୀତ କରାଯାଇଛି।ଓକିଲ ସଂଘର ନିର୍ବାଚିତ କମିଟି ଗଠନ କରାଯିବା ପର୍ଯ୍ୟନ୍ତ ଏହି କମିଟି ଅସ୍ଥାୟୀ ଭାବେ କାମ କରିବ ବୋଲି ଜଣାପଡିଛି।ଅନୁଷ୍ଠିତ କାର୍ଯ୍ୟକାରୀ କମିଟି ବୈଠକରେ ଅନ୍ୟ ମାନଙ୍କ ମଧ୍ୟରେ ବରିଷ୍ଠ ଆଇନଜୀବୀ ସୂର୍ଯ୍ୟ ନାରାୟଣ ସାହୁ, ଏ.ସୋମେଶ୍ଵର ରାଓ,ରବିନ୍ଦ୍ର ନାଥ ପାଣିଗ୍ରାହୀ, ଚନ୍ଦ୍ରଧ୍ଵଜ ସିଂହ, ବିଜୟ କୁମାର ପ୍ରଧାନ, ସିମାଞ୍ଚଳ ପ୍ରଧାନ ଏବଂ ରବିଚନ୍ଦ୍ର ଗୌଡ ପ୍ରମୁଖ ଉପସ୍ଥିତ ଥିଲେ।